توتەنشە جاعداي • 22 ناۋرىز, 2023

قازاقستاننىڭ بىرنەشە ايماعىندا جەر سىلكىندى

4335 رەت كورسەتىلدى

شىمكەنت تۇرعىندارى ءدۇمپۋدى سەزگەنى تۋرالى ايتتى, دەپ حابارلايدى Egemen.kz.

قازاقستاننىڭ بىرنەشە ايماعىندا جەر سىلكىندى

جەلى قولدانۋشىلارىنىڭ ايتۋىنشا, جەر سىلكىنىسى سەزىلىپ, پاتەردە ليۋسترا شايقالعان. 

«ادامدار دۇرلىگىپ كەتتى. ءبىز ءتورتىنشى قاباتتا تۇرامىز, كۇيەۋىم جۇمىستا بولعان. مەن ءتورت بالاممەن جالعىزبىن. بىرەۋى ءالى شاقالاق. جەر سىلكىنگەندە اس ۇيدە ءبارى دىرىلدەپ, قوزعالىپ كەتتى. ءبىر-ەكى مينۋتتاي شايقالدى. سىرتقا شىعۋعا كورشىلەر كومەكتەستى. ليفتكە كىرمەي, باسپالداقپەن  تۇستىك», دەدى شىمكەنت قالاسىنىڭ تۇرعىنى ازيزا.

سەيسمولوگتار تاراز بەن شىمكەنت قالاسىندا 3 بالدىق جەر سىلكىنىسى تىركەلگەنىن ايتتى. 

سودان كەيىن «سەيسمولوگيالىق تاجىريبەلىك-ادىستەمەلىك ەكسپەديتسيا» جشس الماتى, استانا, قىزىلوردا قالالارىندا جانە تۇركىستان وبلىسىندا 2 بالدىق جەر سىلكىنىسى سەزىلگەنىن حابارلادى.

«مSك-64 شكالاسى بويىنشا شىمكەنت, تاراز قالالارىندا ءزىلزالانىڭ سەزىلۋى 3 بالدى قۇرادى. الماتى, استانا, قىزىلوردا قالالارىندا جانە تۇركىستان وبلىسىندا 2 بالدىق جەر سىلكىنىسى سەزىلگەن», دەلىنگەن حابارلامادا.

سونداي-اق وزبەكستان, قىرعىزستان, تاجىكستان, ءۇندىستان اۋماقتارىندا دا جەر سىلكىنىسى بايقالعان.

سوڭعى جاڭالىقتار

ەل ىقىلاسىنا بولەنگەن

ايماقتار • كەشە

جەلاياقتار سايىسى

سپورت • كەشە

عاسىر جاساعان گازەت

باسىلىم • كەشە

ءداستۇرلى انشىلەر دوداسى

بايقاۋ • 02 قازان, 2023