جۋرناليستەرگە جوعارى جاۋاپكەرشىلىك جۇكتەلەدى

قازاقستان رەسپۋبليكاسىنىڭ مەملەكەتتىك حاتشىسى ادىلبەك جاقسىبەكوۆ ەلدىڭ ۇزدىك جۋرناليستەرىنە قازاقستان رەسپۋبليكاسى پرەزيدەنتىنىڭ باق سالاسىنداعى سىيلىعى مەن گرانتتارىن تاپسىرىپ, العىسىن جاريالادى. قازاقستان رەسپۋبليكاسىنىڭ مەملەكەتتىك حاتشىسى ەلى­مىز­دىڭ بۇقارالىق اقپارات قۇرال­دارى وكىلدەرىن كاسىبي مەرە­كەسى – بايلانىس جانە اقپارات قىز­مەتكەرلەرى كۇنىمەن قۇتتىقتاپ, وتاندىق جۋرناليستيكانىڭ با­سىمدىعى بار مىندەتتەرى ەل باس­شىلىعى قويعان ماقساتتارعا جەتۋ ءۇشىن قازاقستاندىقتاردى ۇيىس­تىرۋ, بىرىڭعاي قازاقستاندىق جال­پىۇلتتىق بىرلىكتى قالىپتاستىرۋ, ءپاتريوتيزمدى نىعايتۋ بولىپ تابىلاتىنىن اتاپ ءوتتى. – «قازاقستان-2050» ستراتە­گيا­سىندا پرەزيدەنت نۇرسۇلتان نازار­باەۆ ءبىزدىڭ دامۋىمىزدىڭ بۇلجىماس شارتى قوعامدىق كەلى­سىمدى ساقتاۋ جانە نىعايتۋ ەكەنىن ايتتى. بۇل ورايداعى ايرىقشا جاۋاپكەرشىلىك بۇقارالىق اق­پارات قۇرالدارىنا جۇكتەلەدى, – دەدى مەملەكەتتىك حاتشى. ءا.جاقسىبەكوۆ وتاندىق بۇ­قارالىق اقپارات قۇرالدارىنىڭ جۇمىسى زاماناۋي تالاپتارعا ساي بولۋى كەرەكتىگىنە دە توقتالدى. – قازاقستاننىڭ بۇقارالىق اقپارات قۇرالدارى ءوزىنىڭ قا­لىپ­تاسۋ كەزەڭىنەن تابىستى ءوتتى. بىراق قازىرگى زامانعى جاعدايلار ولاردىڭ الدىنا سوڭعى الەمدىك ترەندتەردى ەسكەرە وتىرىپ ساپالى جاڭارۋ مىندەتىن قويىپ وتىر. اقپاراتتىق تەحنولوگيالار, ينتەرنەت جانە الەۋمەتتىك جەلىلەر اقپارات جەتكىزۋدىڭ ءتاسىلىن جانە باق-تىڭ قوعامداعى ءرولىن وزگەر­تۋدە. قازاقستاننىڭ مەديا-كەڭىس­تىگىنە سوڭعى ۇدەرىستەردى اڭعارىپ قانا قويماي, سولارعا سايكەس يكەم­دەلە ءبىلۋدىڭ ماڭىزى زور, – دەپ اتاپ كورسەتتى مەملەكەتتىك حات­شى. ءا.جاقسىبەكوۆ, سونداي-اق, قازىرگى مەديا-كەڭىستىكتە ءجۇرىپ جاتقان وزگەرىستەرگە قاراماستان, وتان­دىق بۇقارالىق اقپارات قۇرال­دارىنىڭ شىنايىلىق پەن ناق­­تىلىق سەكىلدى تۇپكى قاعيدات­تارى ساقتالۋى تيىستىگىن دە ايتىپ ءوتتى. قازاقستان رەسپۋبليكاسى پرەزيدەنتىنىڭ سىيلىعى «جاس قازاق» گازەتىنىڭ باس رەداكتورى س.سمايىلعا, «ۆرەميا» گازەتىنىڭ باس رەداكتورى ل.تاراكوۆقا بەرىل­دى, گرانتتارى «كتك» تەلەار­ناسىنىڭ استاناداعى ءتىلشى­لەر بيۋروسىنىڭ جەتەكشىسى يا.كرا­سيەنكوعا, «قازاقستان» ۇلتتىق تەلە­ارناسىنىڭ ءتىلشىسى ج.تولە­مى­سوۆاعا تاپسىرىلدى. قازاق­ستان رەسپۋبليكاسى پرە­زيدەن­تىنىڭ العىسى «ايعاق» تە­لەرا­ديوكومپانياسىنىڭ, «كاز­كون­تەنت» اكتسيونەرلىك قوعامىنىڭ, «كورە يلبو» گازەتىنىڭ, «مير» مەملەكەتارالىق كومپانيا­سىنىڭ قازاقستان رەسپۋبلي­كا­سىنداعى ۇلتتىق فيليالىنىڭ شىعارماشىلىق ۇجىمدارىنا جاريالاندى. سالتاناتتى ءراسىم سوڭىندا مەملەكەتتىك حاتشى باق وكىل­دەرىنىڭ جۇمىستارىنا شىعار­ما­شىلىق تابىس تىلەدى جانە جۋرناليستىك شەبەرلىكتى ۇدايى جەتىلدىرە وتىرىپ, ەلدە بولىپ جاتقان ماڭىزدى وقيعالاردىڭ ورتاسىندا بولۋعا شاقىردى. بيىل اقشالاي ماراپاتتىڭ جالپى قورى – 7 ميلليون 408 مىڭ تەڭگە. سىيلىق لاۋرەاتتارى 2 ميلليون تەڭگە, گرانت يەگەرلەرى 1 ميلليون 700 مىڭ تەڭگەدەن استام قاراجات يەلەندى. ايگۇل سەيىلوۆا, «ەگەمەن قازاقستان».