يكاو كەڭەسىنىڭ مۇشەلەرى, يكاو حاتشىلىعى, ءتۇرلى مەملەكەتتەردىڭ اۆياتسيالىق بيلىك ورگاندارى, IATA, CANSO, ACI World, TIACA, iPADIS جانە ءىرى حالىقارالىق اۋە تاسىمالداۋشىلارى 2023 جىلى مونرەالدا (كانادا) وتكەن «جاھاندىق بايلانىس ماسەلەلەرى» اۋە كولىگى سيمپوزيۋمىنا جانە اۋە كولىگى ماراپاتتارىن تاپسىرۋ راسىمىنە قاتىستى.
شارا بارىسىندا قازاقستاننىڭ اۆياتسيالىق اكىمشىلىگى «Air Transport News Corporate Award» سىيلىعىن الدى, بۇل حالىقارالىق اۆياتسيالىق قاۋىمداستىعى تاراپىنان قازاقستانداعى ازاماتتىق اۆياتسيانى باسقارۋدىڭ جاڭا مودەلىنە كوشۋ بويىنشا جۇرگىزىلگەن جۇمىستاردى مويىنداۋ بولىپ تابىلادى.
ماراپات قازاقستاننىڭ كاناداداعى ەلشىسى اقىلبەك كامالدينوۆكە تابىستالدى. قازاقستاننىڭ اۆياتسيالىق اكىمشىلىگى - ءۇش جىل بۇرىن حالىقارالىق وزىق تاجىريبەلەرگە نەگىزدەلگەن ءتيىمدى اۆياتسيالىق ورگان بولۋ ماقساتىمەن قۇرىلعان جاس رەتتەۋشى ورگان. وتكەن جىلدىڭ ءساۋىر ايىنان باستاپ باس ديرەكتور كاتالين رادۋ جانە يدم ازاماتتىق اۆياتسيا كوميتەتىنىڭ توراعاسى تالعات لاستاەۆ اتىنان جاڭا باسشىلىق قازاقستاننىڭ اۆياتسيالىق اكىمشىلىگىنىڭ قاداعالاۋ مۇمكىندىكتەرىن نىعايتا الدى, ونى ءتۇرلى حالىقارالىق اۋديتتەر مەن باعالاۋلار مويىندادى.
قازاقستاننىڭ اۆياتسيالىق اكىمشىلىگى مەن يدم ازاماتتىق اۆياتسيا كوميتەتى قازاقستاننىڭ وڭىرلىك جانە حالىقارالىق دەڭگەيلەردە اۆياتسيالىق قاتىسۋىن ودان ءارى دامىتۋدى جانە كەڭەيتۋدى جالعاستىرادى.
2023 جىلعى جەڭىمپازدار اراسىندا يكاو پرەزيدەنتى سالۆاتورە سكياچيتانو, ERA باس ديرەكتورى مونسەررات بارريگا, IATA باسقارۋشىلار كەڭەسىنىڭ توراعاسى مەحمەت نانە, گايانا ازاماتتىق اۆياتسيا باسقارماسىنىڭ باس ديرەكتورى ەگبەرت فيلد, TIACA, Wizz Air, iGA ستامبۋل اۋەجايى, SkyTeam ماراپاتتالدى.
ATN كورپوراتيۆتىك ماراپاتى سالانىڭ حالىقارالىق دەڭگەيدە تانىلۋىنىڭ ەڭ جوعارى دەڭگەيىن بىلدىرەدى جانە قازاقستاننىڭ اۆياتسيالىق بيلىك ورىندارىن ەلىمىزدىڭ ازاماتتىق اۆياتسيا سالاسىنىڭ يگىلىگى ءۇشىن وزدەرىنىڭ ءورشىل ماقساتتارىنا جەتۋگە جانە ءوز الەۋەتىن تولىق ىسكە اسىرۋعا ىنتالاندىراتىن بولادى.
