باكۋدەن الماتىعا ۇشۋ اپتاسىنا ەكى رەت — سەيسەنبى جانە جۇما كۇندەرى جۇزەگە اسادى.
ال 16 ناۋرىزدا «ازەربايجان اۋەجولدارى» اۆياكومپانياسى دۇيسەنبى جانە بەيسەنبى كۇندەرى باكۋدەن استاناعا, ال سەيسەنبى جانە جۇما كۇندەرى استانادان باكۋگە ۇشاتىن رەيستى اشتى. بۇل تۋرالى مادەنيەت جانە سپورت مينيسترلىگى حابارلادى.
«الماتى - ورتالىق ازيانىڭ ەڭ ءىرى, ەڭ دامىعان جانە تارتىمدى تۋريستىك باعىتتارىنىڭ ءبىرى جانە ازەربايجان اۆياكومپانياسىنىڭ وكىلدەرى بۇل پىكىردى قولدايدى. ءبىزدىڭ مينيسترلىك باسقا ەلدەرمەن تىكەلەي اۋە رەيستەرىنىڭ سانىن ارتتىرۋ بويىنشا جۇمىستى جالعاستىرادى», دەپ اتاپ ءوتتى تۋريزم يندۋسترياسى كوميتەتىنىڭ توراعاسى داستان رىسپەكوۆ.
