قازىر مەملەكەت باسشىسى, بارلىق دەڭگەيدەگى اكىمدەر مۇنداي وكىلەتتىكتەن بوساتىلعاندىقتان بارلىق پارتيانىڭ مۇمكىندىكتەرى بىردەي دەگىم كەلەدى. پارتيالار عانا ەمەس, ءبىرمانداتتى وكرۋگ بويىنشا شىعىپ جاتقان ۇمىتكەرلەردىڭ اراسىندا دا باسەكە جوعارى. ۇمىتكەرلەردىڭ باعدارلامالارى, ويلارىن اشىق ءبىلدىرۋى, وعان قوعامنىڭ پىكىر ءبىلدىرۋى ساياسي كوممۋنيكاتسيانىڭ قالىپتاسقانىن بىلدىرەدى.
ءبىر اڭعارعانىم, داۋىس بەرۋگە اعىلعان حالىقتىڭ بەلسەندىلىگى جوعارى. بۇل – ازاماتتىق قوعامنىڭ كورىنىسى. سايلاۋشىلار وتباسىلارىمەن بىرگە كەلىپ داۋىس بەرىپ جاتىر. سايلاۋشىلاردىڭ دا قۇقىقتىق جاۋاپكەرشىلىگى جوعارىلاعان. ەگەر وزدەرى سەنىپ داۋىس بەرگەن كانديدات ءۇمىتتى اقتاماسا, سايلاۋشىلار قول جيناۋ ارقىلى دەپۋتاتتى كەرى قايتارىپ الا الادى. بۇل دا ساياسي جاڭالىقتىڭ, وزگەرىستەردىڭ بەلگىسى. 2019 جىلدان بەرى ءجۇرىپ جاتقان رەفورمالار قوعامدا قۇقىقتىق جاۋاپتىلىقتى ارتتىرعانىن, جاۋاپكەرشىلىكتىڭ جەتىلگەنىن بىلدىرەدى.
قۋانىش ايتاحانوۆ,
مەملەكەت جانە قوعام قايراتكەرى
