كانادادا ءجاسوسپىرىم ەكى پوليتسەيدى اتىپ ءولتىردى

ەدمونتون پوليتسياسىنىڭ حابارلاۋىنشا، نەبارى 16 جاستاعى ءجاسوسپىرىم كۇدىككە ءىلىندى.

پوليتسيا ءجاسوسپىرىمنىڭ ءوز-وزىنە وق تيگەن جاراقاتتان قايتىس بولعانىن ايتتى.

ءجاسوسپىرىمنىڭ اناسى 55 جاستاعى ايەلگە دە وق ءتيىپ، ومىرىنە قاۋىپ توندىرەتىن جاراقاتتارمەن اۋرۋحاناعا جەتكىزىلدى.

35 جاستاعى تراۆيس دجوردان مەن 30 جاستاعى برەتت رايان اتىس سالدارىنان قايتىس بولدى. ەكەۋى دە ەدمونتون قالالىق پوليتسيا قىزمەتىندە جۇمىس ىستەگەن.

جەرگىلىكتى پوليتسيا باسشىسى دەيل ماكفيدىڭ ايتۋىنشا، وفيتسەرلەر بەيسەنبى كۇنى جەرگىلىكتى ۋاقىت بويىنشا ساعات 00:47 شاماسىندا ەدمونتونداعى تۇرعىن ءۇي كەشەنىنە قوڭىراۋ شالعان كەزدە وق اتىلعان.

پوليتسيانىڭ مالىمەتىنشە، كۇدىكتىنىڭ اناسى تۇرمىستىق زورلىق-زومبىلىق كورىپ، تەلەفون شالعان. پوليتسيا قىزمەتكەرلەرى ونى عيماراتتىڭ جانىنان كۇتىپ الدى. پاتەرگە جاقىنداي بەرگەندە جاس كۇدىكتى پوليتسيا قىزمەتكەرلەرىنە ەسىك الدىندا بىرنەشە رەت وق اتقان.

ەكى قىزمەتكەرگە دە العاشقى مەديتسينالىق كومەك كورسەتىلىپ، اۋرۋحاناعا جەتكىزىلدى. وكىنىشكە قاراي، ەكەۋى دە اۋرۋحانادا قايتىس بولدى.

وق اتقان ءجاسوسپىرىم بۇعان دەيىن سوتتالماعان. اتىس كەزىندە قارۋدىڭ قانداي ءتۇرى قولدانىلعانى ايتىلمادى. قازىر پوليتسيا ونىڭ قايدان شىققانىن انىقتاپ جاتىر.