كونگرەستىڭ كۇن تارتىبىندە 2022 جىلدىڭ قورىتىندىسى مەن قارجىلىق ەسەبى قابىلدانىپ, 2024 جىلدىڭ بيۋدجەتى بەكىتىلىپ, 2023-2025 جىلدارعا اۋديتورلار تاعايىندالدى.
قازاقستاندىق دەلەگاتسيا كونگرەستە وزگە ۇلتتىق قاۋىمداستىقتارمەن ىنتىماقتاستىقتى ءارى قاراي جالعاستىرۋ بويىنشا بىرقاتار ماڭىزدى كەزدەسۋ وتكىزدى.
فيفا پرەزيدەنتىن سايلاۋ جيىننىڭ ەڭ ماڭىزدى بولىگىنىڭ ءبىرى بولدى. دجانني ينفانتينو 2027 جىلعا دەيىن ۇيىمنىڭ باسشىسى لاۋازىمىنا قايتا سايلاندى.
قفف پرەزيدەنتى ادىلەت بارمەنقۇلوۆ دجانني ينفانتينونى جاڭا مەرزىمگە قايتا سايلانۋىمەن قۇتتىقتاپ, الەمدە فۋتبولدى دامىتۋ جولىندا تابىس تىلەدى.
كەلەسى فيفا كونگرەسى 2024 جىلدىڭ 17 مامىرىنا جوسپارلانعان. وتەتىن جەرى كەيىنىرەك بەلگىلى بولادى.
