قازىرگى ۋاقىتتا ەل وڭىرلەرىندەگى 8 272 ۋچاسكەدە داۋىس بەرۋ ءجۇرىپ جاتىر.
«ورتالىق سايلاۋ كوميسسسياسى وبلىستاردىڭ, استانا, الماتى, شىمكەنت قالالارىنىڭ كوميسسيالارى ۇسىنعان اقپاراتقا سايكەس, 07.00-دەگى جاعداي بويىنشا وڭىرلەردە 8 272 ۋچاسكەدە داۋىس بەرۋدىڭ باستالعانىن حابارلايدى. سونداي-اق قازاقستان رەسپۋبليكاسىنىڭ 12 شەت مەملەكەتتەگى 13 ۋچاسكەسىندە داۋىس بەرۋ باستالدى. 92 ۋچاسكەدە اۋماقتىق كوميسسيالاردىڭ كونستيتۋتسيالىق زاڭ اياسىندا قابىلدانعان شەشىمدەرىنە سايكەس, داۋىس بەرۋ تاڭعى ساعات 06.00-دە باستالدى. 5 ءوڭىردىڭ, اقتوبە, اتىراۋ, باتىس قازاقستان, ماڭعىستاۋ, قىزىلوردا وبلىستارىنىڭ 1 887 ۋچاسكەسىندە داۋىس بەرۋ استانا ۋاقىتىمەن ساعات 08.00-دە باستالادى. بارلىعى 10 223 ۋچاسكەسى, ونىڭ ىشىندە 62 شەت مەملەكەتتەگى ەلىمىزدىڭ 77 ۋچاسكەسى بار», دەدى كونستانتين پەتروۆ.
سپيكەردىڭ ايتۋىنشا, سايلاۋشىلار تىزىمىنە 12 ملن 32 550 ادام ەنگەن. ۋچاسكەلىك كوميسسيالار ازاماتتاردىڭ جازباشا وتىنىشتەرى بويىنشا داۋىس بەرۋ قۇقىعىن بەرەتىن 12 765 كۋالىك بەردى.
