ەرلان قارين №111 سايلاۋ ۋچاسكەسىندە داۋىس بەردى. مۇندا 2744 سايلاۋشى داۋىس بەرۋگە تۇركەلگەن.
قازاقستاندا ءماجىلىس پەن ءماسليحات دەپۋتاتتارىن سايلاۋ ءوتىپ جاتىر. سايلاۋشىلار تىزىمىندە 12 ميلليون 32 مىڭ 550 ادام بار.
بيىلعى جىلدىڭ 19 قاڭتارىندا مەملەكەت باسشىسى قاسىم-جومارت توقاەۆ جەتىنشى سايلانعان قازاقستان رەسپۋبليكاسى پارلامەنتى ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى.
ەندى ءماجىلىس دەپۋتاتتارىنىڭ 70 پايىزى پارتيالىق ءتىزىم بويىنشا, 30 پايىزى ءبىر مانداتتى وكرۋگتەردەن سايلانادى. ارالاس سايلاۋ جۇيەسى بويىنشا 50/50 قاتىناسى بويىنشا وبلىستار مەن رەسپۋبليكالىق ماڭىزى بار قالالاردىڭ ءماسليحاتتارىنا دا سايلاۋ وتەدى. ال اۋداندار مەن وبلىستىق ماڭىزى بار قالالاردىڭ ءماسليحاتتارىنا سايلاۋدا ازاماتتار ءبىر مانداتتى وكرۋگتەردەگى كانديداتتارعا عانا داۋىس بەرەدى. پارلامەنت ءماجىلىسى 98 دەپۋتاتتان تۇرادى, ونىڭ 29-ى ءبىر مانداتتى اۋماقتىق وكرۋگتەردەن سايلانادى.
سايلاۋعا جەتى ساياسي پارتيا قاتىسادى. ولار «اماNات» پارتياسى, «اۋىل» حالىقتىق-دەموكراتيالىق پاتريوتتىق پارتياسى, «رەسپۋبليكا» پارتياسى, «قازاقستان» حالىق پارتياسى, «بايتاق» پارتياسى, قازاقستاننىڭ «اق جول» دەموكراتيالىق پارتياسى, جالپىۇلتتىق سوتسيال-دەموكراتيالىق پارتياسى.
