تۇركىستان وبلىسى ورداباسى اۋدانىندا 54 جاستاعى ايەل بوساندى. جاڭا تۋعان نارەستەنىڭ اكەسى سارسەن قوشان ۇلى 64 جاستا، دەپ حابارلايدى Egemen.kz قازاقپارات اگەنتتىگىنە سىلتەمە جاساپ.
ورداباسى اۋداندىق اۋرۋحاناسىنىڭ پەرزەنتحانا بولىمىندە بوسانعان ساندىگۇل ۇسەنبەكوۆا جاساندى جولمەن جۇكتى بولعان. 15 ناۋرىز كۇنى ول وتا جولىمەن دۇنيەگە ۇل بالا اكەلدى. نارەستەنىڭ سالماعى – 4 510 گر. قازىرگى تاڭدا انا مەن بالانىڭ جاعدايى جاقسى. اۋىلدىق اۋرۋحانادا دارىگەر بولىپ قىزمەت اتقاراتىن ايەل جاس كەلگەندە بوسانۋدىڭ وڭاي ەمەس ەكەنىن ايتادى.
ء«وزىمنىڭ قىزمەتىم دارىگەر بولعاندىقتان، جاقسىلاپ كۇتىندىم. سوندىقتان قيىندىقتار تۋىندامادى. اكەسى مەنەن 10 جاس ۇلكەن. قازىر جۇگىرىپ ءجۇرىپ، قۇجاتتارىن جاساتىپ جاتىر. قۋانىشىندا شەك جوق. 73-تەگى انام دا مەنى پەرزەنتحانادان شىعارىپ الۋعا كەلە جاتىر. تۇڭعىشىم – قىز بالا»، دەپ قۋانىشىمەن ءبولىستى ساندىگۇل ۇسەنبەكوۆا.
بۇل – وتباسىنداعى ەكىنشى ءسابي. كەش تۇرمىس قۇرعان انا تۇڭعىش قىزىن وسىدان ءۇش جىل بۇرىن، ياعني 51 جاسىندا بوسانعان. ءسابيىن باۋىرىنا باسقان انانىڭ قۋانىشىندا شەك جوق. دارىگەرلەرگە العىسى زور.
بۇگىن زەينەت جاسىنداعى اكە پەرزەنتىن الىپ كەتۋگە كەلدى. سارسەن قوشان ۇلى دا شەكەسى تورسىقتاي ۇل تاپقان جارىنا ءدان ريزا. نارەستەنىڭ ەسىمىن نۇرمۇحاممەد دەپ قويىپتى.
«64 جاستا ۇلدى بولدىم. مىناۋ قىزىمدى 61 جاسىمدا كوردىم. بۇدان دا ۇلكەن بالالارىم بار. جوعارى وقۋ ورنىندا وقيدى. ءبىر قىزىم تۇرمىستا. جيەندەرىم بار. پەرزەنتىم وسىمەن جەتەۋ بولدى»، دەدى سارسەن قوشان ۇلى.
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
