ەينشتەين سالىستىرمالىق تەورياسىن ارىپتەستەرىنەن ۇرلاپ العانى راس پا؟
جوق. البەرت ەينشتەين ول تۋرالى 1905 جىلى Annalen der Physik جۋرنالىندا جاريالانعان «جىلجىمالى ورگانداردىڭ ەلەكتروديناميكاسى تۋرالى» ماقالاسىندا جازعان. بىراق وسىعان ۇقساس ويلاردى باسقا عالىمدار دا زەرتتەگەن.
ەينشتەين مەكتەپتە ناشار وقىعان با؟
بۇل دا شىندىققا جاناسپايدى. ويتكەنى ەينشتەين وقىعان مەكتەپتە ءبىرىنشى توقساننان كەيىن باعالاۋ جۇيەسى وزگەرەدى. ياعني وقۋدىڭ باسىندا جوعارى بالل 1 بولسا, ەكىنشى توقساندا 6 بالل بولادى. ەينشتەيننىڭ مەكتەپتە ناشار وقىعانى تۋرالى پىكىر ونىڭ ءبىرىنشى توقسانداعى باعالارى مەن ەكىنشى توقسانداعى باعالارىنا بايلانىستى تاراپ كەتكەن. ول باسىندا ناشار وقىپ كەيىن وقۋ ۇلگەرىمىن جاقسارتقان دەپ ويلايدى. بىراق ەكى باعالاۋ جۇيەسى بويىنشا دا ونىڭ قورىتىندى باعالارى مەكتەپتە جاقسى وقىعانىن كورسەتەدى.
اتاقتى فيزيك يادرولىق قارۋدى جاساۋعا ات سالىسقان با؟
بۇعان ەينشتەيننىڭ ءوزى جاۋاپ بەرگەن.
«مەنىڭ يادرولىق قارۋعا جالعىز جاعدايدا عانا قاتىسىم بار. مەن پرەزيدەنت رۋزۆەلتكە يادرولىق قارۋدىڭ مۇمكىندىكتەرىن انىقتاۋ ءۇشىن ۇلكەن دەڭگەيدە ەكسپەريمەنت جۇرگىزۋ كەرەك ەكەندىگى تۋرالى جازىلعان حاتقا قول قويدىم», دەپ ايتقان عالىم.
ەينشتەين نوبەل سىيلىعىنا سالىستىرمالىق تەورياسىن اشقانى ءۇشىن يە بولعان با؟
ەينشتەينگە نوبەل سىيلىعى فوتوەلەكترلىك ەففەك زاڭىن اشقانى ءۇشىن بەرىلگەن.
البەرت ەنشتەينگە پرەزيدەنت بولۋ ۇسىنىلعان با؟
راسىمەن دە, 1952 جىلى يزرايل پرەزيدەنتى قايتىس بولعاننان كەيىن پرەمەر-مينيستر ەنشتەينگە پرەزيدەنتتىكتى ۇسىنعان. بىراق ول بۇل قىزمەتتەن باس تارتقان.
