ينسپەكتسيالىق ساپاردىڭ نەگىزگى ماقساتى – سايلاۋ زاڭناماسىنىڭ جاڭاشىلدىعىن ءتۇسىندىرۋ, سايلاۋ كوميسسيالارىنىڭ مۇشەلەرىنە ادىستەمەلىك كومەك كورسەتۋ, سونداي-اق وڭىرلەردىڭ الداعى سايلاۋعا دايىندىعىن تەكسەرۋ. جامبىل وبلىسىنا ساپارى اياسىندا مۇحتار ەرمان جەرگىلىكتى اتقارۋشى ورگاندار, وبلىستىق پروكۋراتۋرا, پوليتسيا دەپارتامەنتىنىڭ وكىلدەرىمەن, اۋماقتىق سايلاۋ كوميسسيالارىنىڭ مۇشەلەرىمەن, كانديداتتاردىڭ سايلاۋالدى شتابتارىنىڭ وكىلدەرىمەن, حالىقارالىق بايقاۋشىلار جانە باق وكىلدەرىمەن كەڭەس وتكىزدى. كەزدەسۋگە سونداي-اق ەقىۇ/دياقب سايلاۋدى بايقاۋ جونىندەگى ۇزاقمەرزىمدى ميسسياسىنىڭ وكىلدەرى ماريا فاگلەۆااگ ۆارسينكا-ۆارسي (نورۆەگيا) جانە ەندريۋ يۋركوۆسكي (اقش) شاقىرىلدى.
كەڭەستە سايلاۋدى ۇيىمداستىرۋ بويىنشا جۇرگىزىلىپ جاتقان جۇمىستار تۋرالى وڭىرلىك مەملەكەتتىك ورگانداردىڭ ەسەپتەرى تىڭدالدى. جامبىل وبلىسى اكىمى اپپاراتىنىڭ باسشىسى ءمادي ماتەننىڭ مالىمدەۋىنشە, وڭىردەگى سايلاۋشىلار سانى – 717 090. ايماقتا 499 سايلاۋ ۋچاسكەسى جۇمىس ىستەيدى.
«بارلىق سايلاۋ ۋچاسكەلەرى قاجەتتى جابدىقتارمەن قامتاماسىز ەتىلگەن. سونداي-اق وڭىردە كانديداتتاردىڭ ۇگىت باسپا ماتەريالدارىن ورنالاستىرۋ ءۇشىن 308 ورىن انىقتالىپ, 356 بيلبورد جانە LED-ەكراندار ءبولىندى. تاراز قالاسىندا جانە اۋدانداردا حالىققا كونسۋلتاتسيالىق قىزمەت كورسەتۋ ماقساتىندا 11 Call-ورتالىق قۇرىلدى. سونداي-اق www.e-jambyl.kz اقپارات پورتالىندا جسن ارقىلى ءوز سايلاۋ ۋچاسكەسىن ىزدەۋ بويىنشا ونلاين-سەرۆيس كوزدەلگەن, تەلەگرامم-بوت جۇمىس ىستەيدى. سايلاۋشىلاردى تىركەۋدى راستاۋ بويىنشا 260 ونلاين-سەرۆيستىڭ جانە تۇراقتى نەمەسە ۋاقىتشا تىركەۋى جوق ازاماتتاردىڭ داۋىس بەرۋىن ۇيىمداستىرۋ ءۇشىن 7 سەرۆيستىڭ جۇمىسى ۇيىمداستىرىلادى», دەپ حابارلادى ول.
سونداي-اق اتقارىلعان جۇمىستار تۋرالى جامبىل وبلىسى اۋماقتىق سايلاۋ كوميسسياسىنىڭ توراعاسى سەرعالى ايداپكەلوۆ بايانداما جاساپ, بۇگىنگى كۇنى بىرمانداتتىق اۋماقتىق سايلاۋ وكرۋگتەرى بويىنشا 692 كانديدات تىركەلگەنىن حابارلادى. «ونىڭ ىشىندە №15 جانە 16 سايلاۋ وكرۋگتەرى بويىنشا پارلامەنت ءماجىلىسىنىڭ دەپۋتاتتىعىنا – 12, 18 سايلاۋ وكرۋگى بويىنشا وبلىستىق ماسليحاتقا – 70, 27 سايلاۋ وكرۋگى بويىنشا قالالىق ماسليحاتقا – 92, 147 سايلاۋ وكرۋگى بويىنشا اۋداندىق ماسليحاتتارعا 518 كانديدات دوداعا تۇسەدى. پارتيالىق تىزىمدەر بويىنشا سايلاناتىن وبلىستىق ءماسليحاتتىڭ 18 دەپۋتاتتىق مانداتىنا 72 كانديدات تىركەلدى», دەپ مالىمدەدى س.ايداپكەلوۆ.
جۇمىستىڭ وسى باعىتى بويىنشا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەركىن كەلەسوۆتىڭ مالىمدەۋىنشە, مۇگەدەكتىگى بار ازاماتتاردىڭ سايلاۋ قۇقىقتارىن قامتاماسىز ەتۋگە ەرەكشە نازار اۋدارىلىپ وتىر. «بۇگىندە وڭىردە داۋىس بەرۋ كەزىندە ەرەكشە جاعدايلاردى قاجەت ەتەتىن 2 541 مۇگەدەكتىگى بار سايلاۋشى تۇرادى. ولار ءۇشىن بارلىق سايلاۋ ۋچاسكەلەرىندە پاندۋستار, كىرەبەرىستەگى تاكتيلدى كورسەتكىشتەر جانە عيماراتتار ىشىندەگى تاكتيلدى جولاقتار قاراستىرىلعان. سايلاۋ كۇنى ونلاين رەجىمدە 27 سۋردواۋدارماشى جۇمىس ىستەيدى. سونداي-اق 28 ينۆاتاكسي اۆتوكولىگىنىڭ قىزمەتى ۇيىمداستىرىلماق», دەدى ول.
سونداي-اق كەڭەس بارىسىندا وبلىستىق پروكۋراتۋرا مەن پوليتسيا دەپارتامەنتىنىڭ وكىلدەرى ءسوز سويلەپ, سايلاۋ ۇدەرىسىنە قاتىسۋشىلاردىڭ زاڭدىلىقتى ساقتاۋىن, سونداي-اق قوعامدىق ءتارتىپ پەن ازاماتتاردىڭ قاۋىپسىزدىگىن ساقتاۋدى قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى حاباردار ەتتى.
سەميناردىڭ ەكىنشى بولىمىندە مۇحتار ەرمان اۋداندىق جانە اۋماقتىق سايلاۋ كوميسسيالارىنىڭ مۇشەلەرىمەن كەزدەسۋ وتكىزىپ, سايلاۋ زاڭناماسىنىڭ جاڭالىقتارى مەن وسى سايلاۋ ناۋقانىنىڭ ەرەكشەلىكتەرىن ءتۇسىندىردى, سونداي-اق كوميسسيا مۇشەلەرىنىڭ كوپتەگەن سۇراققا جاۋاپ بەردى. وسىدان كەيىن «داۋىس بەرۋ كۇنى» ىسكەرلىك ويىنى وتكىزىلىپ, كوميسسيا مۇشەلەرى سايلاۋدى وتكىزۋدى ءىس جۇزىندە ۇيرەندى.
ال ورتالىق سايلاۋ كوميسسياسىنىڭ مۇشەسى شاۆقات وتەمىسوۆ اتىراۋ وبلىسىندا وسىنداي كوشپەلى سەمينار-كەڭەس وتكىزدى. وندا كەيبىر سايلاۋ ۋچاسكەلەرىنە بارىپ, ولاردىڭ الداعى سايلاۋعا دايىندىعىن تەكسەردى.
وبلىس اكىمى اپپاراتىنىڭ باسشىسى بولات يساقوۆ سايلاۋشىلار تىزىمىنە 412 165 ادام ەنگىزىلگەنىن باياندادى. حالىقتىڭ بەلسەندىلىگىن ارتتىرۋ ماقساتىندا وبلىس اكىمدىگىنىڭ سايتىندا سايلاۋشىلار تىزىمىنەن ءوزىن ىزدەۋ سەرۆيسى, تەلەگرامم-بوت ىسكە قوسىلعان. سونداي-اق وڭىردە سايلاۋعا قاتىستى بارلىق ماسەلەلەر بويىنشا ازاماتتارعا كەڭەس بەرۋ ءۇشىن 8 Call-ورتالىق جۇمىس ىستەي باستادى. بۇدان باسقا, سايلاۋ ناۋقانى كەزەڭىندە 174 سايلاۋ ۋچاسكەسىندە سايلاۋشىلاردىڭ تىركەۋ مەكەنجايىن انىقتاۋ ءۇشىن سەرۆيس قولجەتىمدى. ول سونداي-اق وبلىس بويىنشا 269 سايلاۋ ۋچاسكەسى بار ەكەنىن حابارلادى. بارلىق ۋچاسكەلەر ماتەريالدىق-تەحنيكالىق جاعىنان قامتاماسىز ەتىلگەن. وبلىستاعى ۇگىت-ناسيحات قىزمەتى بولىگىندە ۇگىت-باسپا ماتەريالدارىن ورنالاستىرۋعا ارنالعان 158 ورىن جانە سايلاۋشىلارمەن كەزدەسۋگە ارنالعان 92 ءۇي-جاي ايقىندالدى. سونىمەن قاتار سايلاۋ تۋرالى اقپاراتتىق بيلبوردتاردى ورنالاستىرۋ ءۇشىن 528 ورىن بولىنگەن.
كەڭەستە جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى الفيا تولەعاريەۆا مۇگەدەكتىگى بار ازاماتتاردىڭ سايلاۋ قۇقىقتارىن قامتاماسىز ەتۋ تۋرالى حابارلادى. ونىڭ مالىمدەۋىنشە, ەرەكشە جاعدايلارعا مۇقتاج سايلاۋشىلار سانى – 2091. اتىراۋ قالاسى مەن اۋداندارداعى بارلىق داۋىس بەرۋ پۋنكتتەرى عيماراتتاردىڭ ءبىرىنشى قاباتىندا ورنالاسقان. سايلاۋ ۋچاسكەلەرى پاندۋستارمەن, تاكتيلدى جولاقتارمەن, اقپاراتتىق بەلگىلەرمەن جابدىقتالعان. بۇدان باسقا, سايلاۋ ۋچاسكەلەرىندە مۇگەدەكتىگى بار ادامدارعا ارنالعان بۇرىشتار جابدىقتالعان, وندا لۋپالار, برايل شريفتىمەن ورىندالعان اقپاراتتىق ماتەريالدار, قوسىمشا جارىقتاندىرۋ جانە سايلاۋ ۋچاسكەلەرى سۋردواۋدارماشىلارمەن قامتاماسىز ەتىلىپ, ينۆاتاكسي اۆتوكولىكتەرىنىڭ قىزمەتى ۇيىمداستىرىلادى.
وبلىستىڭ اۋماقتىق سايلاۋ كوميسسياسىنىڭ توراعاسى ازامات ايماناقۇموۆتىڭ حابارلاۋىنشا, وڭىردە 365 سايلاۋ كوميسسياسى (9 اۋماقتىق, 87 وكرۋگتىك, 269 ۋچاسكەلىك) جۇمىس ىستەيدى, وندا 2 429 كوميسسيا مۇشەسى قىزمەت اتقارادى. بارلىعى 445 كانديدات تىركەلدى, ونىڭ ىشىندە ماجىلىسكە – 12, وبلىستىق ماسليحاتقا 6 پارتيالىق تىزىمدە – 61, وبلىستىق ماسليحاتقا 15 بىرمانداتتىق سايلاۋ وكرۋگى بويىنشا – 40, اتىراۋ قالالىق ءماسليحاتىنا – 71, 7 اۋداندىق ماسليحاتقا 261 كانديدات سايلاۋعا تۇسەدى. سونداي-اق سايلاۋ ناۋقانىن وتكىزۋ كەزىندە زاڭدىلىقتىڭ ساقتالۋىن قاداعالاۋدى, سونداي-اق قوعامدىق ءتارتىپ پەن ازاماتتاردىڭ قاۋىپسىزدىگىن ساقتاۋدى قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى وبلىستىق پروكۋراتۋرا مەن پوليتسيا دەپارتامەنتىنىڭ وكىلدەرى ءسوز سويلەدى.
سەمينار-كەڭەستىڭ ەكىنشى بولىمىندە اۋماقتىق سايلاۋ كوميسسيالارىنىڭ مۇشەلەرى ءۇشىن ىسكەرلىك ويىن تۇرىندەگى ترەنينگتەر وتكىزىلدى, سايلاۋ كوميسسيالارىنىڭ مۇشەلەرى داۋىس بەرۋدىڭ بارىسىن قامتي وتىرىپ, ۋچاسكەلەردە داۋىس بەرۋ ۇدەرىسىن كورسەتتى. ولار ۋچاسكەلىك سايلاۋ كوميسسيالارىنىڭ داۋىس بەرۋ كۇنى قالاي جۇمىس ىستەيتىنىن, سونىڭ ىشىندە ۋچاسكەلەردى اشۋ, بيۋللەتەندەر بەرۋ, داۋىس بەرۋدى ۇيىمداستىرۋ, بايقاۋشىلاردى تىركەۋ, ەسەپتەن شىعارۋ كۋالىكتەرى بويىنشا داۋىس بەرۋ, داۋىستاردى ساناۋ جانە ۋچاسكەلەر بويىنشا ناتيجەلەر شىعارۋ ۇدەرىسىن كورسەتتى. وسىلايشا, وسك مۇشەلەرى الداعى سايلاۋدى وتكىزۋ بويىنشا سايلاۋ كوميسسيالارىنا ادىستەمەلىك جانە پراكتيكالىق كومەك كورسەتۋ ءۇشىن بارلىق 20 وڭىرگە ينسپەكتسيالىق ساپارلارىن اياقتادى.
وڭىرلەرگە ينسپەكتسيالىق ساپارلار بارىسىندا ورتسايلاۋكوم مۇشەلەرى اۋماقتىق جانە وكرۋگتىك سايلاۋ كوميسسيالارىنىڭ جۇمىسىمەن تانىسىپ, سايلاۋ ۋچاسكەلەرىنىڭ دايىندىعىنا كوز جەتكىزدى.
