بۇل تۋرالى مينيسترلىكتىڭ رەسمي وكىلى تالعات ءۋالي مالىمدەدى.
بۇرىن قازاقستاندىقتار ميب تىركەۋ جانە ونىڭ توراعاسىن سايلاۋ ءۇشىن ءۇي تۇرعىندارىمەن بىرنەشە رەت كەزدەسىپ, ادىلەت ورگاندارىنا ءتيىستى ءوتىنىش بەرىپ, كوپ ۋاقىت جۇمسايتىن. ەندى ۇيالى تەلەفونداعى ءموبيلدى قوسىمشا ارقىلى ونلاين-ءوتىنىم بەرۋگە بولادى. بۇل قىزمەت «ۋپراۆدوم» جشس قوسىمشاسىندا قولجەتىمدى.
تالعات ءۋاليدىڭ ايتۋىنشا, بۇل جوبا ارقىلى ونلاين فورماتتا داۋىس بەرۋگە بولادى. بۇل تۇرعىنداردىڭ قولتاڭبالارىن ونلاين جيناۋعا, داۋىستاردى, كۆورۋمدى اۆتوماتتى تۇردە ساناۋعا جانە ەلەكتروندىق حاتتامانى اۆتوماتتى تۇردە تولتىرۋعا مۇمكىندىك بەرەدى. سونداي-اق ءۇيدىڭ توراعاسى, حاتشىسى جانە كەڭەس مۇشەلەرى قول قويعان ەلەكتروندىق حاتتاما «زاڭدى تۇلعالار» مەملەكەتتىك دەرەكقورىنا ميب ەلەكتروندىق تىركەۋ ءۇشىن جولدانادى.
«جوبا ەڭ الدىمەن ميب قىزمەتىنىڭ اشىقتىعى, الاياقتىق ارەكەتتەردى بولدىرماۋ, ءۇيدى باسقارۋ كەزىندە پروتسەستەردى اۆتوماتتاندىرۋ, قاعاز قۇجات اينالىمىنان ارىلۋعا مۇمكىندىك بەرەدى. بۇدان باسقا, ازاماتتارعا قولايلى بولۋ ءۇشىن باسقا دا IT-شەشىمدەردى ۇلعايتۋ بويىنشا جۇمىستار جالعاسا بەرمەك. ادىلەت مينيسترلىگى حالىققا قىزمەت كورسەتۋدى جاقسارتۋ ءۇشىن رەفورمانى ىسكە اسىرۋدى ودان ءارى جەتىلدىرە بەرەدى», دەدى ت. ءۋالي.
