«ەتنوسارالىق كەلىسىمدى نىعايتۋ – ەلىمىزدىڭ تۇراقتى دامۋىنىڭ نەگىزى. بۇل ماڭىزدى مىندەتتى جۇزەگە اسىرۋ ءۇشىن ورتالىق مەملەكەتتىك ورگاندار مەن جەرگىلىكتى بيلىك, سونداي-اق قازاقستان حالقى اسسامبلەياسى مەن جالپى ازاماتتىق قوعام كۇش بىرىكتىرۋى قاجەت», دەدى پرەزيدەنت.
بۇدان بولەك قاسىم-جومارت توقاەۆ حالقىمىزدىڭ دۇنيەتانىمىنا ساي ءداستۇرلى يسلامدى دارىپتەۋ اسا ماڭىزدى ەكەنىن جەتكىزدى.
«ونىڭ عىلىمي-تەوريالىق نەگىزىن دامىتۋ قاجەت. وسكەلەڭ ۇرپاقتىڭ رۋحاني تاربيەسىن نازاردان تىس قالدىرۋعا بولمايدى. شىن مانىندە, بۇل – وتە ماڭىزدى ماسەلە. ونى بەتىمەن جىبەرسەك, ۇلتتىق سالت-سانامىزدان ايىرىلىپ قالۋىمىز مۇمكىن. اكىمدەرگە قۇزىرلى ورگاندارمەن بىرلەسىپ, ءدىن سالاسىنداعى جۇمىستى جانداندىرۋدى تاپسىرامىن», دەدى قاسىم-جومارت كەمەل ۇلى.
