«قىلمىستىق قارۋ مەن جالعان اقش دوللارىن ساتۋدىڭ جاسىرىن ارناسى جۇمىسىن جولعا قويعان قىلمىستىق ءىس-ارەكەتتىڭ ۇيىمداستىرۋشىسى ۇستالدى. وپەراتسيا الدىندا ۇزاق ۋاقىت جەدەل زەردەلەۋ جۇمىسى جۇرگىزىلىپ, اتقىش قارۋ, وق-ءدارى, سونىمەن قاتار جالعان امەريكالىق بانكنوتتاردى اكەلۋدىڭ تۇراقتى قىلمىستىق جۇيەسى انىقتالدى جانە قۇجاتتاندى. قىلمىسكەرلەر جاسىرىنۋ شارالارىن قاتاڭ ساقتاپ, زاماناۋي تەحنيكالىق بايلانىس قۇرالدارىن قولدانۋى ولاردىڭ ارەكەتىن اشكەرەلەۋدە قيىندىق تۋدىرعان», دەپ حابارلادى كوميتەتتىڭ ءباسپاسوز قىزمەتى.
كۇدىكتىنىڭ زاڭعا قايشى ارەكەتى ەلىمىزدىڭ قوعامدىق-ەكونوميكالىق قاۋىپسىزدىگىنە قاتەر توندىرگەن. دەر كەزىندە قابىلدانعان شارالار ناتيجەسىندە قىلمىستىق بيزنەس جويىلدى.
زاڭسىز اينالىمنان 4 بىرلىك قارۋ: «كالاشنيكوۆ» اۆتوماتىنىڭ جەتىلدىرىلگەن تۇرلەرى, تىركەلمەگەن تەگىس ۇڭعىلى مىلتىقتار, 450-دەن استام وق-ءدارى جانە اسا ءىرى كولەمدە جالعان اقش دوللارى الىندى.
ۇستالعان ادام قىلمىسىن مويىندادى جانە قر قپك 128-بابى نەگىزىندە سوت رۇقساتىمەن 2 ايعا تەرگەۋ يزولياتورىنا قامالدى.
جەدەل-تەرگەۋ ءىس-شارالارى جالعاسىپ جاتىر.
