تاپسىرما:
قازاقستان رەسپۋبليكاسى پرەزيدەنتىنىڭ پرەزيدەنتتىك وكىلەتتىكتەردى اتقارۋ مەرزىمىندە ساياسي پارتياعا مۇشەلىگىن توقتاتۋ مىندەتىن زاڭنامادا بەكىتۋ; قازاقستان رەسپۋبليكاسى پرەزيدەنتىنىڭ جاقىن تۋىستارىنىڭ مەملەكەتتىك ساياسي قىزمەتشىلەر لاۋازىمدارى مەن كۆازيمەملەكەتتىك سەكتور باسشىلارى لاۋازىمدارىن اتقارۋىنا تىيىم سالۋدى زاڭنامادا بەكىتۋ.
ورىندالدى:
2022 جىلى 8 ماۋسىمدا ءتيىستى زاڭ قابىلداندى.
43-باپتىڭ 3-تارماعى. قازاقستان رەسپۋبليكاسىنىڭ پرەزيدەنتى ءوز وكىلەتتىكتەرىن جۇزەگە اسىرۋ كەزەڭىندە ساياسي پارتيادا بولماۋعا ءتيىس.
43-باپتىڭ 4-تارماعى. قازاقستان رەسپۋبليكاسى پرەزيدەنتىنىڭ جاقىن تۋىستارى مەملەكەتتىك ساياسي قىزمەتشىلەردىڭ, كۆازيمەملەكەتتىك سەكتور سۋبەكتىلەرى باسشىلارىنىڭ قىزمەتتەرىن اتقارۋعا حاقىسى جوق.
تاپسىرما:
ماجوريتارلىق جۇيە بويىنشا سايلانعان دەپۋتاتتار ءۇشىن يمپەراتيۆتى ماندات ەنگىزە وتىرىپ, ازاماتتارعا سايلانۋ مۇمكىندىگىن بەرەتىن ارالاس سايلاۋ جۇيەسىنە كوشۋ: قازاقستان رەسپۋبليكاسى پارلامەنتىنىڭ ماجىلىسىنە دەپۋتاتتاردىڭ 30 پايىزى - ماجوريتارلىق جۇيە بويىنشا, 70 پايىزى - پارتيالىق تىزىمدەر بويىنشا.
ورىندالدى
2022 جىلى 8 ماۋسىمدا ءتيىستى زاڭ قابىلداندى.
50-باپتىڭ 3-تارماعى. ءماجىلىس كونستيتۋتسيالىق زاڭدا بەلگىلەنگەن تارتىپپەن ارالاس سايلاۋ جۇيەسى بويىنشا: ءبىرتۇتاس جالپىۇلتتىق سايلاۋ وكرۋگىنىڭ اۋماعى بويىنشا پروپورتسيونالدى وكىلدىك ەتۋ جۇيەسى بويىنشا, سونداي-اق بىرمانداتتىق اۋماقتىق سايلاۋ وكرۋگتەرى بويىنشا سايلاناتىن توقسان سەگىز دەپۋتاتتان تۇرادى.
