اتالعان سالماقتىڭ چەمپيونى – لەون ەدۆارس. ۇلىبريتانيانىڭ تۋى استىندا ونەر كورسەتىپ جۇرگەن 31 جاستاعى يامايكانىڭ تۋماسى بىلتىرعى تامىز ايىندا «حەد-كيك» ادىسىمەن كامارۋ ۋسماندى تەۋىپ قۇلاتىپ, التىن بەلبەۋدى يەلەندى. ەدۆارس وكتاگوندا بارلىعى 24 كەزدەسۋ وتكىزىپ, 20 رەت جەڭىسكە جەتتى. سول باسەكەلەردىڭ تەڭ جارتىسىندا ايقىن باسىمدىق تانىتتى. سوڭعى رەت ول 2015 جىلى ءدال وسى ۋسماننان ۇپاي سانىمەن ۇتىلعان ەدى. سودان كەيىنگى جەتى جىلدان اسا ۋاقىت ارالىعىندا لەون بىردە-ءبىر رەت جەڭىلگەن جوق.
جارتىلاي ورتا سالماقتىڭ ءبىرىنشى ورنىندا كامارۋ ۋسمان تۇر. ول 1987 جىلدىڭ 11 مامىرىندا نيگەريادا دۇنيەگە كەلدى. سەگىز جاسىندا اتا-اناسىمەن بىرگە امەريكاعا قونىس اۋداردى. 2012 جىلدان بەرى ارالاس جەكپە-جەكپەن شۇعىلدانىپ جۇرگەن كامارۋ 22 رەت وكتاگونعا شىعىپ, ەكى رەت قانا ءساتسىز ونەر كورسەتتى. 2013 جىلى ول حوسە كاسەراسكە ەسە جىبەرسە, بىلتىر لەون ەدۆارسقا جول بەردى. 2019-2022 جىلدارى ۋسمان UFC-ءدىڭ چەمپيوندىق اتاعىن يەلەندى.
ەكىنشى جانە ءۇشىنشى ورىنداردا – كولبي كوۆينگتون مەن حامزات چيماەۆ. 35 جاستاعى اقش فايتەرى 20 جەكپە-جەكتىڭ ۇشەۋىندە جەڭىلدى. توعىز باسەكەنى مەرزىمىنەن بۇرىن اياقتادى. كوۆينگتون ۋسماننان ەكى مارتە جانە ۆارلەي الۆيستەن ءبىر رەت جەڭىلدى. 28 جاستاعى چەشەنستاننىڭ تۋماسى بۇل كۇندەرى شۆەتسيانىڭ نامىسىن قورعاپ ءجۇر. حامزات بەس جىلعا جۋىق ۋاقىت ارالىعىندا 12 رەت ايقاس الاڭىنا شىعىپ, بارلىق قارسىلاسىن قاپى قالدىردى. تەك 2022 جىلدىڭ ءساۋىر ايىندا فلوريدا شتاتىندا گيلبەرت بەرنسپەن وتكىزگەن كەزدەسۋىندە تورەشىلەر شەشىمىمەن جەڭىسكە جەتتى. قالعان باسەكەلەرىنىڭ بارلىعىندا چيماەۆتىڭ ۇستەمدىگى ەش كۇمان تۋعىزعان جوق.
UFC-ءدىڭ رەيتينگىندە امەريكالىق بەلال مۇحاممەد (26 كەزدەسۋ, 22 جەڭىس, 6 نوكاۋت, 3 جەڭىلىس, تاعى ءبىر باسەكەنىڭ ناتيجەسى ەسەپكە الىنبادى) پەن برازيليالىق گيلبەرت بەرنس (26 كەزدەسۋ, 21 جەڭىس, 15 نوكاۋت, 5 جەڭىلىس) ءبىزدىڭ راحمونوۆتان جوعارى تۇر. سونداي-اق توپ-10 سپورتشىنىڭ قاتارىندا ستيۆەن تومپسون (24 كەزدەسۋ, 17 جەڭىس, 9 نوكاۋت, 6 جەڭىلىس, 1 تەڭ), دجەفف نيل (20 كەزدەسۋ, 15 جەڭىس, 11 نوكاۋت, 5 جەڭىلىس), شون برەدي (16 كەزدەسۋ, 15 جەڭىس, 7 نوكاۋت, 1 جەڭىلىس) جانە ۆيسەنتە ليۋكە (31 كەزدەسۋ, 21 جەڭىس, 19 نوكاۋت, 10 جەڭىلىس) بار. ولاردىڭ بارلىعى دا اقش-تان.
ال شاۆقات راحمونوۆ جايىندا ۇزاق اڭگىمەلەۋگە بولادى. 2014 جىلدان بەرى ايقاس الاڭىنا شىعىپ جۇرگەن ول سول ارالىقتا وتكىزگەن 17 كەزدەسۋىنىڭ بارلىعىندا ايقىن جەڭىسكە جەتتى. تارقاتىپ ايتساق, سەگىز قارسىلاسىن اۋىر سوققىلارىمەن سۇلاتىپ سالسا, توعىز باسەكەنى «قىلقىندىرۋ» ادىسىمەن اياقتادى. «نومادقا» قارسى شىققان سپورتشىلاردىڭ تەك ەكەۋى عانا ءۇشىنشى راۋندقا دەيىن شىدادى. ولار – تاجىكستاندىق فارۋدين وديلوۆ (2018 جىل) پەن امەريكالىق دجەفف نيل (2023 جىل). التى جەكپە-جەك ەكىنشى راۋندتا اياقتالسا, توعىز باسەكەلەسىن ول ءبىرىنشى كەزەڭدە-اق ەسىنەن تاندىردى. ءدال وسى شابىسىنان جاڭىلماسا, شاۆقاتتىڭ شىعار شىڭى بۇدان دا بيىك بولاتىنى ءسوزسىز.
جەڭىل سالماقتىلاردىڭ (70 كيلو) رەيتينگىندە دامير يسماعۇلوۆ 12 ورىندى يەلەنىپ وتىر. ول 27 كەزدەسۋىنىڭ تەك ەكەۋىندە جەڭىلىس تاپتى. 2015 جىلى رامازان ەسەنباەۆقا ەسە جىبەرسە, بىلتىرعى جىلدىڭ اياعىندا ارمان تسارۋكيانعا ءالى جەتپەدى. سوڭعى ساتسىزدىگىنەن كەيىن رەسەيدىڭ ورىنبور ولكەسىندە تۋىپ-وسكەن 32 جاستاعى قانداسىمىز UFC-دەن كەتەتىنىن جاريا ەتكەن بولاتىن. بىراق امەريكادا ونى قۋىپ جاتقان ەشكىم جوق. ويتكەنى يسماعۇلوۆ الەمنىڭ ەڭ بەلدى پروموۋشەنىندە وتكىزگەن التى باسەكەسىنىڭ تەك بىرەۋىندە عانا ۇتىلدى. بالكىم, ۋاقىت وتە دامير رايىنان قايتادى دەگەن ويدامىز.
ال اتالعان سالماقتىڭ چەمپيونى – رەسەيلىك يسلام ماحاچەۆ. سونداي-اق ۇزدىكتەر قاتارىندا چارلز وليۆەيرا (برازيليا), داستين پورە, دجاستين گەيتجي, بەنيل داريۋش, مايكل چەندلەر (اقش), رافاەل فيزيەۆ (ازەربايجان), ماتەۋش گەمروت (اقش), ارمان تسارۋكيان (رەسەي), رافاەل دوس انوس (برازيليا) جانە دجەلين تەرنەر (اقش) سىندى ساڭلاقتار بار.
UFC-رەيتينگىنىڭ ۇزدىكتەرى
57 كيلو: چەمپيون – برەندون مورەنو (مەكسيكا), 1. دەيۆەسون فيگەرەدو, 2. الەكساندر پانتوجا (برازيليا), 3. كاي-كارا فرانس (جاڭا زەلانديا).
61 كيلو: چەمپيون – الدجامەين ستەرلينگ, 1. شون و’مەللي (اقش), 2. پەتر يان (رەسەي), 3. مەراب دۆاليشۆيلي (گرۋزيا).
66 كيلو: چەمپيون – الەكساندر ۆولكانوۆسكي (اۋستراليا), 1. ياير رودريگەس (مەكسيكا), 2. ماكس حوللوۆەي, 3. برايان ورتەگا (اقش).
84 كيلو: چەمپيون – الەكس پەرەيرا (برازيليا), 1. يسراەل ادەسانيا (نيگەريا), 2. روبەرت ۋيتتاكەر (اۋستراليا), 3. دجەرارد كاننونە (اقش).
93 كيلو: چەمپيون – جامال حيلل (اقش), 1. يرجي پروحازكا (چەحيا), 2. ماگومەد انكالاەۆ (رەسەي), 3. يان بلاحوۆيچ (پولشا).
120 كيلو: 1. چەمپيون – دجون دجونس (اقش), 1. سيريل گان (فرانتسيا), 2. ستيپە ميوچيچ (حورۆاتيا), 3. سەرگەي پاۆلوۆيچ (رەسەي).
