داۋىس بەرۋگە قاتىسۋ ءۇشىن بەلسەندى سايلاۋ قۇقىعى بار, ءتيىستى شەت مەملەكەتتە تۇراتىن نەمەسە جەكە, قىزمەتتىك, وقۋ, ىسكەرلىك پەن تۋريستىك ماقساتپەن جۇرگەن جانە قازاقستان ازاماتىنىڭ جارامدى پاسپورتى بار ازاماتتار سايلاۋ ۋچاسكەسى قۇرىلعان قازاقستاننىڭ ديپلوماتيالىق نەمەسە كونسۋلدىق وكىلدىگىنە جۇگىنە الادى.
قازاقستاننىڭ شەتەلدەگى مەكەمەلەرىندە داۋىس بەرۋ «قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنىڭ 38-ءشى بابىنىڭ 1-ءشى تارماعىنا سايكەس سايلاۋ وتكىزىلەتىن كۇنى (2023 جىلعى 19 ناۋرىز, جەكسەنبى) جەرگىلىكتى ۋاقىت بويىنشا ساعات 07:00-دەن 20:00-گە دەيىن وتەدى.
شەتەلدەگى سايلاۋ پروتسەسىن ۋاقىتىلى جانە تولىقتاي دايىنداۋ ماقساتىندا قازاقستان رەسپۋبليكاسىنىڭ ازاماتتارى جاقىن ماڭداعى سايلاۋ ۋچاسكەسىنە الدىن-الا حابارلاسىپ, سايلاۋشىلار تىزىمىنە ەنگىزۋ ءۇشىن مالىمەت بەرۋلەرى قاجەت.
ايتا كەتەيىك, پرەزيدەنتتىڭ 19 قاڭتارداعى №104 جارلىعىنا سايكەس 19 ناۋرىزدا پارلامەنت ءماجىلىسى مەن ءماسليحاتتارى دەپۋتاتتارىنىڭ كەزەكتەن تىس سايلاۋى وتەدى.
