كەڭەيتىلگەن قۇرامدا كىمدەر بار؟

ەلىمىزدىڭ اياقدوپ شە­بەرلەرى بىلتىرعى ماۋسىمدى ءسات­تى اياقتاپ, ۇلتتار ليگاسىنىڭ «ۆ» ديۆيزيونىنا كوتەرىلگەنى بەل­گىلى. فۋتبول جان­كۇيەرلەرى بيىل دا ۇلتتىق قۇراما ۇلاندارىنان جوعارى ناتيجە كۇتەتىنى انىق. سوندىقتان بولار, باس باپكەر ماگومەد اديەۆ بيىلعى ەۋرو-2024 ءتۋرنيرىنىڭ ىرىكتەۋ ويىندارىنا نەگىزىنەن ۇلتتار ليگاسى ماتچتارىندا ءتاۋىر ونەر كورسەتكەن فۋتبولشىلاردى شاقىرىپ وتىر. سونداي-اق كە­ڭەيتىلگەن تىزىمنەن بىرنەشە جاس فۋتبولشىنىڭ ەسىمدەرىن دە بايقادىق.

اتاپ ايتقاندا, جۋىردا عا­نا رەسەي پرەمەر-ليگاسى­نا اۋىس­قان قورعاۋشى لەۆ سكۆور­تسوۆ («حيمكي»), بەلارۋس چەمپيو­ناتىنداعى «بەلشينا» كومانداسى ساپىندا ەكى ماۋسىم ويناپ, بيىل «توبىل» قۇرامىن تولىق­تىرعان جارتىلاي قورعاۋشى يسلام چەسنوكوۆ, بيىلدان باس­تاپ «استانا» كلۋبىنىڭ نە­گىزگى قۇرامىندا جاسىل الاڭعا شىعىپ جۇرگەن شابۋىلشى ۆلاديسلاۆ پروكوپەنكو ۇلتتىق قۇرامانىڭ جيىنىنا شاقىرتۋ الدى.

ماگومەد اديەۆتىڭ كەڭەيتىلگەن جالپى تىزىمىنە مىنا فۋتبولشىلار ەندى:

قاقپاشىلار: يگور شاتسكي («شاحتەر»), بەكحان شايزادا («ور­داباسى»), دانيل ۋستيمەنكو («قاي­رات»), ستاس پوكاتيلوۆ («اق­توبە»);

قورعاۋشىلار: سەرگەي ما­لىي, تەمىرلان ەرلانوۆ, عا­فۋر­جان سۇيىمباەۆ («ورداباسى»), الەك­ساندر ماروچكين, باعدات قايىروۆ (ەكەۋى دە – «توبىل»), نۇرالى ءالىپ («زەنيت», رەسەي), اب­زال بەيسەبەكوۆ, ميحايل گا­بى­شەۆ, تيمۋر دوسماعامبەتوۆ (بار­لىعى – «استانا»), تالعات كۋ­سيا­پوۆ («كاسپي»), مارات بىستروۆ («احمات», رەسەي), يان ۆوروگوۆسكي («مو­لەنبەك», بەلگيا), لەۆ سكۆور­­­تسوۆ («حيمكي», رەسەي);

جارتىلاي قورعاۋشىلار: اسحات تاعىبەرگەن, باۋىرجان يس­لامحان, ەلحان استانوۆ («ور­داباسى»), باقتيەر زاينۋتدينوۆ (تسسكا, رەسەي), رامازان ورازوۆ («اقسۋ»), يسلامبەك قۋات, اسلان داراباەۆ, («استانا»), ماكسيم سامو­رودوۆ, ارمان كەڭەسوۆ («اق­توبە»), يسلام چەسنوكوۆ («تو­بىل»);

شابۋىلشىلار: ابات ايىم­بەتوۆ, ۆلاديسلاۆ پروكوپەنكو (ەكەۋى دە – «استانا»), ارتۋر شۋشە­ناچەۆ («قايرات»), ابىلايحان جۇ­مابەك («اقتوبە»), ايبار جاق­سىلىقوۆ («ورداباسى»).

قۇرامانىڭ وقۋ-جاتتىعۋ جيىنى 16 ناۋرىزدا باستالادى. 23 ناۋرىزدا سلوۆەنيامەن وتەتىن ماتچ ەلوردا ۋاقىتىمەن 21:00-دە باستالادى. ءۇش كۇننەن كەيىن دانيامەن بولاتىن كەزدەسۋدىڭ ۋاقىتى 19:00-گە جوسپارلانعان. ەكى ماتچ تا «استانا ارەنا» ستاديونىندا وتەدى.