«بيىل جەمقور شەنەۋنىكتەردىڭ اقشاسىنا 70-تەن استام مەكتەپ سالىنادى. ول ءۇشىن قۇجاتتارىمىز بار, ءتىزىم دە بار. كۇندەردىڭ ءبىر كۇنىندە بۇل ءتىزىم قولداۋ تاۋىپ, قۇرىلىسقا قارجى بولىنەتىن بولادى. بۇل مەكتەپتەر 20-عا جۋىق وبلىستى قامتيدى», دەدى مينيستر ۇكىمەت وتىرىسىندا.
مينيستر بۇل جوبا جاڭا مەكتەپتەر سالۋدى دا, بۇرىننان بار مەكتەپتەردى جوندەۋدى قاراستىراتىنىن اتاپ ءوتتى.
ەسكە سالايىق, قارجى مينيسترلىگىنىڭ ارنايى شوتىندا جەمقور شەنەۋنىكتەردەن تاركىلەنگەن 120 ميلليارد تەڭگە جينالعان.
بۇعان دەيىن قاسىم-جومارت توقاەۆ حالىققا جولداۋىندا جەمقورلاردان تاركىلەنگەن اقشا مەكتەپ سالۋعا جۇمسالاتىنىن ايتقان ەدى.
«جالپى, مەكتەپ سالۋ ۇكىمەت پەن اكىمدىكتەردىڭ باستى مىندەتتەرىنىڭ ءبىرى بولۋى ءتيىس», دەپ اتاپ ءوتتى بۇعان دەيىن مەملەكەت باسشىسى.
