«الدىن الا مالىمەت بويىنشا, 5 ناۋرىزدا ساعات 10:30-دا اقتوبە وبلىسى, شالقار اۋدانى, بەرشۇگىر تەمىرجول ستانتسياسىندا مانەۆرلىك لوكوموتيۆپەن بۇيىرلىك سوقتىعىسۋ سالدارىنان «بىشكەك-سامارا» قاتىناسىمەن جۇرەتىن №317 جولاۋشىلار پويىزىنىڭ تەپلوۆوزى, №1 ۆاگونى جانە №2 جولاۋشىلار پويىزىنىڭ ءۇش دوڭعالاقتى جۇبى رەلستەن شىعىپ كەتتى», دەپ حابارلادى قتج ءباسپاسوز قىزمەتى.
وقيعا ورنىنا قازاۆياقۇتقارۋ تىكۇشاعى ۇشىپ شىعىپ, قۇتقارۋ بولىمشەلەرى جىبەرىلدى جانە قتج قالپىنا كەلتىرۋ پوەزدى جونەلتىلدى.
قولدا بار اقپاراتقا سايكەس, پويىزدا 200-دەن استام ادام بولعان (قىرعىزستان, رف جانە قازاقستان ازاماتتارى, قتج قىزمەتكەرلەرى). ولاردىڭ ەشقايسىسى زارداپ شەككەن جوق, قازىرگى ۋاقىتتا جولاۋشىلار پويىزدىڭ باسقا ۆاگوندارىنا ورنالاستىرىلدى.
تجم جانە ءوڭىردىڭ تجد قىزمەتكەرلەرىنەن تۇراتىن جەدەل شتاب قۇرىلدى.
وقيعانىڭ سەبەبىن انىقتاۋمەن قۇزىرەتتى ورگاندار اينالىساتىن بولادى.
