ساناۋلى سəتتەر بۇرىن وتكەن رەسمي جابىلۋ راسىمىندە ەلىمىزدىڭ بايراعىن دەلەگاتسيا باسىندا شورت-ترەكشى ماديار ماديحوۆ ۇستاپ شىقتى. ال حالىقارالىق ويىنداردىڭ تۋىن ءتۇسىرۋ رəسىمىنە چەمپيون رەتىندە قازاقستان اتىنان مەيىرجان تولەگەن قاتىستى.
ون كۇنگە سوزىلعان كەشەندى جارىستا قازاقستان 3 التىن, 5 كۇمىس جانە 6 قولا مەدالگە قول جەتكىزىپ, جالپى ەسەپتە 6-ورىن الدى. جالپى كۋزباستاعى ويىندارعا 5 سپورت تۇرىنەن 58 وتانداسىمىز اتتانعان.
يليا ميزەرنىح (شاڭعىمەن تۇعىردان سەكىرۋ, ك-40), مەيىرجان تولەگەن (شورت-ترەك), ۆارۆارا گلۋحوۆا (كونكيمەن جۇگىرۋ) چەمپيون اتاندى.
مەيىرجان تولەگەن (شورت-ترەك, 1500م), يليا شيلنيكوۆ (شاڭعىمەن تۇعىردان سەكىرۋ, ك-40), ەستافەتادا ەرلەر قۇراماسى (شورت-ترەك), ارالاس كوماندالىق سىندا يليا ميزەرنىح پەن سوفيا شيشكينا (شاڭعىمەن تۇعىردان سەكىرۋ), سپرينتتە ەرلەر قۇراماسى (كونكيمەن جۇگىرۋ) كۇمىس جۇلدەگەر اتاندى.
ال ماليكا جولتابار (شورت-ترەك, 1500م), سوفيا شيشكينا (شاڭعىمەن تۇعىردان سەكىرۋ, ك-40), ەستافەتادا قىزدار قۇراماسى (شورت-ترەك), ارالاس كوماندالىق سىندا يليا شيلنيكوۆ پەن اليونا سۆەريدەنكو (شاڭعىمەن تۇعىردان سەكىرۋ), ماديار ماديحوۆ (شورت-ترەك, 100م), شاڭعى جارىسىنداعى دوستىق ەستافەتاسىندا ارينا اندريۋششەنكو («سپورت» قۇراماسىندا) قولا جۇلدەگە يە بولدى.
جالپى ەسەپتە ءسىبىر فەدەرالدى وكرۋگى 1-ورىن السا, ودان كەيىن ماسكەۋ وبلىسى, ورال مەن قيىر شىعىس فەدەرالدى وكرۋگىنىڭ قۇراماسى جايعاستى. ويىندار كەزىندە 57 مەدال جيىنتىعى ساراپقا سالىندى. قاتىسۋشى ەلدەر: قازاقستان, ارمەنيا, اۋعانستان, بەلارۋس, كۋۆەيت, قىرعىزستان, ليۆان, نەپال, تاجىكستان, تايلاند, تۇرىكمەنستان, وزبەكستان مەملەكەتى;
ماسكەۋ وبلىسى, كۋزباسس ايماعىنىڭ قۇراماسى;
قيىر شىعىس فەدەرالدى وكرۋگى, ءسىبىر فەدەرالدى وكرۋگى, ورال فەدەرالدى وكرۋگىنىڭ قۇراماسى;
باشقۇرتستان, ساحا, تاتارستان رەسپۋبليكاسى;
ەسىڭىزگە سالا كەتەيىك, قازاقستان 2019 جىلى وتكەن العاشقى «ازيا بالالارى» ويىندارىنا 8 سپورتتان 74 سپورتشى اپارعان. جالپى ەسەپتە 7 التىن, 7 كۇمىس جانە 6 قولا مەدالمەن 11 قۇرامانىڭ ىشىندە 6-ورىننان كورىنگەن.
