تاراپتار وزىق قىتاي تەحنولوگيالارى مەن جابدىقتارىن پايدالانا وتىرىپ, ماشينا جاساۋ سالاسىنداعى تەحنيكالىق مامانداردى بىرلەسىپ دايارلاۋ جونىندەگى باعدارلامانى ءىس جۇزىندە ىسكە اسىرۋعا ۋاعدالاستى. كەلەشەكتە ەلەكتروكولىكتەر, زD-باسىپ شىعارۋ, ءوندىرىستى اۆتوماتتاندىرۋ جانە ت.ب. سياقتى سالالاردا ىنتىماقتاستىق باعىتتارىن كەڭەيتۋ كوزدەلگەن.
«لۋ بان شەبەرحاناسى» جوباسىن ىسكە اسىرۋ قازاقستاننىڭ كاسىبي تەحنيكالىق كادرلارداعى قاجەتتىلىگىن تولىقتىرۋعا ىقپال ەتەدى.
بۇل جوبا 2022 جىلعى قازاقستان مەن قىتاي مەملەكەتتەر باسشىلارىنىڭ ۋاعدالاستىقتارى شەڭبەرىندە ىسكە اسىرىلۋدا.
«لۋ بان شەبەرحاناسى» - قىتايدىڭ كاسىپتىك ءبىلىم بەرۋ سالاسىنداعى حالىقارالىق ىنتىماقتاستىق جوباسى. 2,5 مىڭ جىل بۇرىن ءومىر سۇرگەن قىتايدىڭ ايگىلى شەبەرى جانە ونەرتاپقىشى لۋ بان ەسىمىمەن اتالادى. جوبانىڭ ماقساتى كاسىپتىك-تەحنيكالىق ءبىلىم بەرۋ ورتالىقتارىن بىرلەسىپ قۇرۋ جولىمەن شەتەلدىك تەحنيكالىق وقۋ ورىندارىنا بىلىكتى كادرلار دايارلاۋعا جاردەمدەسۋ بولىپ تابىلادى. بۇگىنگى تاڭدا الەمنىڭ 21 ەلىندە 26 «لۋ بان شەبەرحاناسى» جۇمىس ىستەيدى.
