العاشقى ەكى ماسەلە سەلەكتسيالىق جەتىستىكتەر مەن تۇقىم شارۋاشىلىعىن قورعاۋدى رەتتەۋ ماسەلەلەرى جونىندەگى زاڭ جوبالارىنا ۇكىمەت قورىتىندىلارىنىڭ جوبالارىن قاراۋعا جانە پارلامەنت دەپۋتاتتارى باستاماشىلىق ەتكەن اكىمشىلىك قۇقىقبۇزۋشىلىق تۋرالى كودەكسكە تولىقتىرۋلار ەنگىزۋ جونىندە بولدى.
زاڭ جوبالارىنىڭ نەگىزگى ەرەجەلەرى تۋرالى اۋىل شارۋاشىلىعى ۆيتسە-ءمينيسترى ابىلقايىر تامابەك باياندادى.
سونداي-اق قاتىسۋشىلار كۆازيمەملەكەتتىك سەكتوردى دامىتۋ ماسەلەلەرى جونىندەگى زاڭ جوباسىنىڭ تۇجىرىمداماسىن قارادى. ونىڭ نەگىزگى ەرەجەلەرى تۋرالى زاڭ جوباسىن ازىرلەۋشى – ۇلتتىق ەكونوميكا ۆيتسە-ءمينيسترى يلياس ۋسەروۆ باياندادى.
ايتا كەتۋ كەرەك, زاڭ جوبالارىنىڭ ساپاسىن ارتتىرۋ ماقساتىندا ادىلەت مينيسترلىگى كوميسسيا جۇمىسىن ترانسفورماتسيالادى. ەندى زاڭ جوبالارىن دايىنداۋ بارىسىندا ازىرلەۋشىلەرگە جاۋاپكەرشىلىك كۇشەيتىلدى.
مينيستر ازىرلەۋشىلەردەن بۇدان بىلاي زاڭ جوبالارىنىڭ تۇجىرىمدامالارىن تەرەڭىرەك پىسىقتاۋدى تالاپ ەتتى.
«ۆەدومستۆوارالىق كەڭەستە ءسىز زاڭ جوباسىنىڭ تۇجىرىمداماسىن وسىمەن ەكىنشى رەت تانىستىرعالى تۇرسىز. كوميسسيا زاڭ جوباسىن ساپالى تۇردە تالقىلاۋعا جانە اياقتاۋعا مۇمكىندىك بەرەتىن جاقسى سۇزگى بولىپ وتىر. الايدا بۇگىن بايقالىپ ايتىلعان ەسكەرتۋلەر بويىنشا ناتيجە شىعارمايسىزدار. وتكەن وتىرىستا ايتىلعان ۇسىنىستار مەن ەسكەرتۋلەر جاي عانا الىنىپ تاستالعان. ناتيجەسىندە كونسۋلتاتيۆتىك قۇجاتتىڭ پىسىقتالعان نۇسقاسىنان سىزدەر ويلاستىرىلعان بارلىق نوۆەللالار الىنىپ تاستالعان. ازداعان تۇزەتۋلەر مەن وزگەرىستەردى قوسپاعاندا, بارلىعى بۇرىنعىشا», دەپ اتاپ ءوتتى مينيستر.
سونداي-اق ازامات ەسقاراەۆ شيكى زاڭ جوبالارىنا قاتىستى بىرقاتار ەسكەرتۋ جاسادى.
«جالپى بۇل عانا ەمەس, سىزدەردەن مەملەكەتتىك كاسىپورىنداردىڭ رۇقسات ەتىلگەن قىزمەت تۇرلەرىنىڭ تىزبەسىن كەڭەيتۋ ۇسىنىلعان ەدى. ال ۇكىمەت بولسا ونى 2015 جىلدان باستاپ جوسپارلى تۇردە قىسقارتۋدا. ناتيجەسىندە ءىس جۇزىندە قانداي دا ءبىر نوۆەللالار جوق. مۇنداي زاڭ جوباسىن ازىرلەۋ قاجەتتىلىگى بار ما دەگەن زاڭدى سۇراق تۋىندايدى. مۇنداي جاعدايدىڭ سەبەبى مەملەكەتتىك ورگاندارمەن, ۆەدومستۆوعا باعىنىستى ۇيىمدارمەن رەفورما تاسىلدەرى بويىنشا كەڭ اۋقىمدى ءتۇسىندىرۋ جۇمىستارىنىڭ ءتيىستى تۇردە جۇرگىزىلمەگەندىگىنەن ەكەنىن اتاپ ءوتۋ قاجەت دەپ سانايمىن», دەدى مينيستر.
