قىزمەت سوتتان تىس بانكروتتىق ءراسىمىن قولدانۋ جانە توقتاتۋ تۋرالى ءوتىنىش ونلاين قابىلدانادى. eGov.kz پورتالىندا جانە eGov Mobile قوسىمشاسىندا بانكروتتىققا ءوتىنىشتى بورىشكەردىڭ ءوزى عانا بەرە الادى.
eGov.kz پورت️الىندا جانە eGov mobile قوسىمشاسىندا ءوتىنىش بەرمەس بۇرىن قۇجاتتاردىڭ تولىق پاكەتىن جيناۋ كەرەك. قىزمەتكە ءوتىنىم بەرۋ ءۇشىن ەكىنشى دەڭگەيلى بانكتەردەن قاجەتتى راستامالاردى الۋ قاجەت.
سوتتان تىس بانكروتتىققا ءوتىنىش بەرۋ ءۇشىن:
- بانكروت دەپ تانۋ تۋرالى سوتتان تىس ارىز بەرۋ شارتتارىنىڭ ساقتالۋىن راستاۋ;
- نەكەدە بولۋ جاعدايىندا جارىنىڭ جسن-ءىن كورسەتۋ;
- نەسيەلەر بار قارجى ينستيتۋتتارى تۋرالى مالىمەتتەردى تولتىرۋ;
- سالىق ورگانىن كورسەتۋ جانە قۇجاتتاردىڭ كوشىرمەلەرىن قوسۋ;
- ااك الۋشى بولسا, بەلگى قويۋ;
- ەگەر مىندەتتەمەلەردى ورىنداۋ مەرزىمى 5 جىلدان استام بولسا, بەلگى قويۋ;
- وتىنىشكە ءبىر رەتتىك قۇپيا ءسوز نەمەسە ەتسق ارقىلى قول قويۋ كەرەك;
قىزمەت ناتيجەسى 15 جۇمىس كۇنى ىشىندە جەكە كابينەتتە شەشىمگە سىلتەمە تۇرىندە پايدا بولادى. شەشىمدى قارجى مينيسترلىگىنىڭ سايتىنان قاراۋعا بولادى. سوتتان تىس بانكروتتىق ءراسىمى 6 ايعا دەيىن سوزىلادى.
