ەستەرىڭىزگە سالا كەتەيىك, وقيعا 13 اقپاندا №4 پەتروپاۆل مەكتەبىندە بولعان. ماسكا كيىپ العان 9-سىنىپ وقۋشىسى ساباققا بالتا اكەلىپ, وقۋشىلارعا شابۋىل جاساعان. شابۋىلدان ءۇش بالا زارداپ شەگىپ, ولاردىڭ ەكەۋى جانساقتاۋ بولىمىنە ءتۇستى. جاقىندا ولار اۋرۋحانادان شىعارىلدى.
وقيعا كەزىندە شابۋىل جاساعان وقۋشىنى ۇستاعان جاسوسپىرىم مەن ونىڭ اتا-اناسى «جاس سارباز» اسكەري-پاتريوتتىق قوزعالىسىنىڭ العىس حاتىمەن ماراپاتتالدى. وعان كومەكتەسكەن ەكى بالا دا ماراپاتتالىپ, العىس حاتقا يە بولدى.
نۇريسلام ساندىباي نە بولعانىن تۇسىنبەي قالعانىن ايتادى.
«بالا كەنەتتەن توقتاپ, قىزدى ارتقى جاعىنان ۇرا باستادى. العاشىندا مۇنى ءازىل دەپ ويلادىق جانە جاي قاراپ وتىردىق, بىراق قىز وتىرىپ جىلاي باستادى. مەن بىردەن بىردەڭە دۇرىس ەمەس ەكەنىن ءتۇسىندىم دە, ارتىنان جۇگىرىپ بارىپ, بالانى ۇستاي باستادىم. وسىدان كەيىن 10-سىنىپتاعى الديار كەلدى, ول بالتانى تارتىپ الدى. دارىگەرلەردى العاشقى كومەككە شاقىرۋعا اسىقتىم», دەدى نۇريسلام.
