ۇلتتىق بانكتىڭ تۇسىندىرۋىنشە, تەڭگە كۋرسىنىڭ كۇشەيۋى «سالىق كەزەڭى» فاكتورىمەن جانە شەتەلدىك ينۆەستورلاردىڭ قازاقستان رەسپۋبليكاسىنىڭ مەملەكەتتىك باعالى قاعازدارعا كىرۋىمەن دە بايلانىستى بولدى. كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمىن ساتۋى وتكەن ايدا شامامەن 295 ملن دوللار بولىپتى. ايتا كەتەيىك, كۆازيمەملەكەتتىك سەكتور كومپانيالارى ەكىنشى دەڭگەيلى بانكتەر ارقىلى ۆاليۋتا نارىعىندا ساتۋدى دەربەس جۇزەگە اسىرادى.
«ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا ساتۋ اقپاندا 590 ملن دوللاردى قۇرادى. ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنەن 23%-دى قۇرادى جانە ءبىر كۇندە 30 ملن دوللاردان اسپادى. ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە ۇلتتىق بانك نارىقتىڭ بەيتاراپ قاعيداتىن ساقتايدى. بۇل شەتەل ۆاليۋتاسىن تۇراقتى جانە بىركەلكى ساتۋ دەگەندى بىلدىرەدى. وسى تاجىريبە ۆاليۋتا نارىعىنا ۇلتتىق قور وپەراتسيالارىنىڭ اسەرىن بارىنشا ازايتۋعا مۇمكىندىك بەرەدى», دەلىنگەن حابارلامادا.
بجزق زەينەتاقى اكتيۆتەرىنىڭ ۆاليۋتالىق ۇلەسىن 30% دەڭگەيىندە ۇستاپ تۇرۋ ماقساتىندا ۇلتتىق بانك اقپاندا بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جۇزەگە اسىرعان. ونىڭ جالپى سوماسى 226 ملن دوللارىنا شىقتى نەمەسە نارىقتىڭ جالپى كولەمىنەن شامامەن 9% بولدى.
بجزق زەينەتاقى اكتيۆتەرىنىڭ ۆاليۋتالىق ۇلەسىن قولداۋ ءۇشىن ناۋرىزدا 200-دەن 240 ملن دوللارعا دەيىنگى مولشەردە ۆاليۋتا ساتىپ الىنادى دەپ كۇتىلەدى. ۇلتتىق بانك ترانسپارەنتتىلىك قاعيداتى اياسىندا ۆاليۋتا نارىعىندا جۇرگىزىلەتىن بارلىق وپەراتسيا تۋرالى تولىق اقپاراتتى جاريا ەتۋىن جالعاستىرا بەرمەك.
ناۋرىزدا ۇلتتىق قوردان ناقتى ساتۋ كولەمى قارجى مينيسترلىگىنىڭ رەسپۋبليكالىق بيۋدجەتكە ترانسفەرتتەردى بولۋگە ارنالعان وتىنىمىنە بايلانىستى بولماق. قارجى مينيسترلىگىنىڭ قاجەتتى ترانسفەرتتەردىڭ سوماسى بويىنشا اعىمداعى بولجامدى باعدارلارى نەگىزىندە الدىن الا ۇلتتىق بانك تەڭگە تۇسىمدەرىنە قاراي 750-دەن 850 ملن دوللارعا دەيىن مولشەردە ۆاليۋتا ساتۋدى جوسپارلاپ وتىر.
«قىسقامەرزىمدى پەرسپەكتيۆادا تەڭگە ديناميكاسى گەوساياسي جاعدايدىڭ وزگەرۋىنە, ىشكى قاتىسۋشىلاردىڭ كۇتۋلەرىنە جانە الەمدىك نارىقتارداعى جاعدايعا بايلانىستى بولادى. ۇلتتىق بانك تەڭگەرىمسىزدىك جيناقتالۋىنا جول بەرمەيتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجىمىن ۇستانۋدى جالعاستىرادى», دەلىنەدى اقپاراتتىق حابارلامادا.
ايتا كەتەيىك, اقپاندا ۇلتتىق بانك ۆاليۋتالىق ينتەرۆەنتسيالار جۇرگىزبەگەن.
