ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا, بىرىڭعاي تولەم بۇرىن قولدانىستا بولعان 34%-دان ەڭبەكاقى تولەۋ قورىنا جيىنتىق جۇكتەمەنى تومەندەتۋ جانە تولەۋشىلەردىڭ تەك ءوزىنىڭ جالدامالى جۇمىسكەرلەرى ءۇشىن جەكە تابىس سالىعىن جانە بەلگىلەنگەن مولشەرلەمەلەردەن تومەن جۇمىسكەرلەردىڭ تابىسىنان ەسەپتەلەتىن مىندەتتى الەۋمەتتىك تولەمدەردى تولەۋى ماقساتىندا ەنگىزىلگەن. مولشەرلەمە جىل سايىن ۇلعايا بەرەدى:
- 2023 جىلعى 1 قاڭتاردان باستاپ – 20 %;
- 2024 جىلعى 1 قاڭتاردان باستاپ – 21,5 %;
- 2025 جىلعى 1 قاڭتاردان باستاپ – 23,8 %;
- 2026 جىلعى 1 قاڭتاردان باستاپ – 24,8 %;
- 2027 جىلعى 1 قاڭتاردان باستاپ – 25,8 %;
- 2028 جىلعى 1 قاڭتاردان باستاپ – 26,3 %.
بىرىڭعاي تولەم مولشەرلەمەسىنىڭ جىل سايىنعى ۇلعايۋى 2024 جىلعى 1 قاڭتاردان باستاپ جۇمىس بەرۋشىنىڭ مىندەتتى زەينەتاقى جارنالارىنىڭ ەنگىزىلۋىنە بايلانىستى, مولشەرلەمەنىڭ 2028 جىلعى 1,5%-دان 5%-عا دەيىن كەزەڭ-كەزەڭىمەن ۇلعايۋى, سونداي-اق بىرىڭعاي تولەم تولەۋشىلەر ءۇشىن 2025 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنا الەۋمەتتىك اۋدارىمدار مولشەرلەمەسىنىڭ 3,2%-دان 4,5%-عا دەيىن وزگەرۋىنە بايلانىستى.
بىرىڭعاي تولەم جەكە تابىس سالىعىن, مىندەتتى زەينەتاقى جارناسىن, ماسق-عا الەۋمەتتىك اۋدارىمداردى, الەۋمەتتىك مەديتسينالىق ساقتاندىرۋ قورىنا جارنالار مەن اۋدارىمداردى قامتيدى.
بىرىڭعاي تولەمدى تولەۋشى ەسەپتى ايدان كەيىنگى ايدىڭ 25-ىنەن كەشىكتىرمەي ەكىنشى دەڭگەيدەگى بانكتەر مەن بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار ارقىلى «ازاماتتارعا ارنالعان ۇكىمەت» مەملەكەتتىك كورپوراتسياسى بانك شوتىنا بىرىڭعاي اۋدارىلاتىن ايدى كورسەتە وتىرىپ, قولما-قول اقشامەن نە قولما-قول اقشاسىز تاسىلمەن تولەيدى.
