م. تىلەۋبەردى سوڭعى جىلى الەم قاۋىپسىز بولا باستاعانىن اتاپ ءوتتى. ۋكرايناداعى قاقتىعىس, وراسان زور يادرولىق ارسەنالدار, شيەلەنىسكەن يادرولىق ريتوريكا جانە ديالوگتىڭ بولماۋى الەمدى قاۋىپتى باعىتقا جەتەلەيدى.
قازاقستان يادرولىق قارۋسىزدانۋدىڭ سەنىمدى جاقتاۋشىسى رەتىندە جاڭا ستراتەگيالىق شابۋىل قارۋ-جاراقتارىن قىسقارتۋ شارتى تۋرالى ماسەلەنى 2026 جىلدان كەيىن تالقىلاۋدى قاجەت دەپ سانايدى. سونىمەن قاتار يادرولىق بەس دەرجاۆانىڭ 2022 جىلعى قاڭتاردا قابىلداعان يادرولىق سوعىسقا جول بەرمەۋ تۋرالى بىرلەسكەن مالىمدەمەگە بەرىك بەيىلدىگىن كورسەتۋى ماڭىزدى.
مينيستر قازاقستان يادرولىق قارۋعا تىيىم سالۋ تۋرالى شارتتى (ياقتسش) دايەكتى تۇردە قولدايتىنىن جانە ياقتسش-عا قاتىسۋشى مەملەكەتتەردىڭ ءۇشىنشى كونفەرەنتسياسىنا توراعالىق ەتەتىنىن اتاپ ءوتتى.
قاتىسۋشىلاردىڭ نازارى قر پرەزيدەنتى قاسىم-جومارت توقاەۆتىڭ بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى باستاماسىنا اۋدارىلدى. بۇل اگەنتتىك بيولوگيالىق جانە ۋىتتى قارۋلارعا تىيىم سالۋ تۋرالى كونۆەنتسيانىڭ اتقارۋشى ورگانى رەتىندە ارەكەت ەتىپ, دامۋشى ەلدەردىڭ قاجەتتىلىكتەرىنە ەرەكشە نازار اۋدارا الادى.
