قارۋلى كۇشتەر باس شتابى ۇيىمداستىرۋ-جۇمىلدىرۋ جۇمىستارى باسقارماسىنىڭ باستىعى, پولكوۆنيك باۋىرجان ارتىقوۆ بيىل كوكتەمگى مەرزىمدى اسكەري قىزمەتكە 18 مىڭعا جۋىق ازامات وتەتىنىن ايتتى.
ونىڭ ايتۋىنشا, ناۋرىز بەن شىلدە ايلارى ارالىعىندا اسكەردەن بوساۋعا رۇقساتى جوق 18 بەن 27 جاس ارالىعىنداعى 18 مىڭنان استام جاس جىگىت اسكەر قاتارىنا شاقىرىلادى.
«ونىڭ ىشىندە قارۋلى كۇشتەرگە - 7 مىڭنان استام, ۇلتتىق ۇلانعا - 6 مىڭنان استام, ۇقك شەكارا قىزمەتىنە - 3 مىڭنان استام, تجم - 3 جۇزدەن استام, مەملەكەتتىك كۇزەت قىزمەتىنە - 80-نەن استام ادام جىبەرىلەدى», دەپ قوستى ارتىقوۆ باۋىرجان.
بۇعان دەيىن پرەزيدەنت قاسىم-جومارت توقاەۆ بەلگىلەنگەن اسكەري قىزمەت مەرزىمىن وتەگەن اسكەري قىزمەتشىلەردى 2023 جىلعى ناۋرىز-ماۋسىم جانە قىركۇيەك-جەلتوقسان ايلارىندا مەرزىمدى اسكەري قىزمەتكە ازاماتتاردى كەزەكتى شاقىرۋ تۋرالى جارلىققا قول قويعان ەدى.
سونداي-اق اسكەري جاستاعى قازاقستاندىقتاردىڭ اسكەردەن بوساتىلعانى نەمەسە كەيىنگە قالدىرىلعانى تۋرالى مارتەبەسىن SMS ارقىلى بىلۋگە مۇمكىندىگى بار ەكەنى حابارلاندى.
