2022 جىلدىڭ 1 قاڭتارىنان باستاپ قازاقستاندا شەتەلدىك تۋريستەردەن مىندەتتى جارنا — bed tax ەنگىزىلدى. وتكەن جىلى ول الىنبادى, ال 2023 جىلدىڭ باسىندا ءبىزدىڭ ەلىمىزدىڭ 30-دان استام قالالارى مەن اۋداندارىندا 1%-دان 5%-عا دەيىنگى مولشەرلەمەلەر بەكىتىلدى.
الايدا, قر مادەنيەت جانە سپورت مينيسترلىگىنىڭ كاسىپكەرلەرمەن جانە قوناق ءۇي بيزنەسىنىڭ وكىلدەرىمەن كەزدەسۋلەرىنىڭ قورىتىندىسى بويىنشا تۋريستىك جارنانىڭ مولشەرىن قايتا قاراۋ تۋرالى شەشىم قابىلداندى. ول پايىزدىق اراقاتىناستا ەمەس, اەك-كە ساي ەسەپتەلەدى.
ماسەلەن, استانا, الماتى جانە شىمكەنت قالالارىندا bed tax 0,5 اەك, قالعان وڭىرلەردە — 0,2 اەك قۇرايدى.
«بيزنەس وكىلدەرى قولدانىستاعى تارتىپكە وزگەرىستەر ەنگىزۋ بويىنشا كوپتەگەن تارتىمدى ۇسىنىستار بەردى. ءبىز كاسىپكەرلەردى تىڭداپ, جارنانى ەسەپتەۋدىڭ جاڭا قاعيداتىن قوسا العاندا بىرقاتار تۇزەتۋلەر ازىرلەدىك», دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.
