ونىڭ سوزىنشە, بيىل قازاقستاندا «فرانكوفونيا كوكتەمىن» 9 ەلشىلىك ۇيىمداستىرادى.
«الەمدە 320 ميلليوننان استام ادام فرانتسۋز تىلىندە سويلەيدى. بۇل وتە كوپ. فرانتسۋز ءتىلى 29 مەملەكەتتە رەسمي ءتىل مارتەبەسىنە يە, الەمدەگى ەڭ كوپ تارالعان بەس ءتىلدىڭ قاتارىنا ەنەدى. سونىمەن قاتار فرانتسۋز ءتىلى ينتەرنەتتە قولدانىلاتىن ءتورتىنشى ءتىل جانە الەمدە ەڭ كوپ وقىلاتىن ەكىنشى ءتىل بولىپ سانالادى», دەدى سپيكەر.
ءىس-شارالار استانا, الماتى, اتىراۋ, قاراعاندى, قوستاناي, وسكەمەن جانە شىمكەنت قالالارىندا وتەدى.
فرانتسيا فرانكوفوندى كينو اپتالىعى اياسىندا 9 فيلم كورسەتەدى.
سونداي-اق 7 ناۋرىزدا الماتىدا «ايەلدەردىڭ سپورتتاعى ورنى» ءفيلمى كورسەتىلەدى, ودان كەيىن ايەلدەر قۇقىعىن ساقتاۋ تاقىرىبىندا تالقىلاۋ وتەدى.
ەلشى 2024 جىلى فرانتسيادا وتەتىن وليمپيادا ويىندارىنا 500 كۇن قالعاندا الماتى قالاسىندا مەكتەپ وقۋشىلارىنىڭ قاتىسۋىمەن ەستافەتا ۇيىمداستىرۋ جوسپارلانىپ وتىرعانىن ايتتى.
«بيىل فەستيۆال باعدارلاماسىنا ارت-رەزيدەنتسيانى قوستىق, ونىڭ اياسىندا جاس فرانتسۋز سۋرەتشىسى ءۇش اي بويى الماتىدا بولادى. رەزيدەنتسيا اياقتالعاننان كەيىن شىعارماشىلىق جۇمىستار «Esentai» گالەرەياسىندا كوپشىلىك نازارىنا ۇسىنىلادى», دەدى ديدە كانەسس.
