جەلىدەگى ەكىنشى جول ىسكە قوسىلعاننان كەيىن تەلىمنىڭ وتكىزۋ قابىلەتى 5 ەسە ارتادى دەيدى ماماندار. قازىر تاۋلىگىنە 12 جۇپ جۇك پويىزىن وتكىزىپ وتىرعان بولسا, ەكىنشى جەلى پايدالانۋعا بەرىلگەندە ولاردىڭ سانى تاۋلىگىنە 60 جۇپ جۇك پويىزىنا دەيىن كوبەيەدى. بۇعان دەيىن ايتىلعانداي, جوبا وتە ءتيىمدى مۋلتيپليكاتيۆتى اسەرگە يە. 20 جىل ىشىندە ول ۇلتتىق قورعا 543 ملرد تەڭگەنى ۇستەمە پايىزىمەن قايتارادى. سونداي-اق بيۋدجەتكە 4 ترلن تەڭگەدەن استام سالىق تۇسىمدەرىن قامتاماسىز ەتەدى. قۇرىلىستى جۇرگىزۋ بارىسىندا قازاقستاندىق قامتۋ ۇلەسى 85 پايىزدى قۇراپ وتىر.
قۇرىلىس جۇمىستارىن ۇيىمداستىرۋ ءۇشىن بالقاش ستانساسى, جاقسىبۇلاق, ءۇشارال قالاسى بويىنشا ءۇش باسقارۋ ورتالىعى ىسكە قوسىلعان. بۇلارمەن بىرگە جارىق, سارىقۇم, ورتادەرەسىن, شولقىزىل, جاقسىبۇلاق, اقتوعاي, ۇشتوبە, سايقان ستانسالارىندا 8 وندىرىستىك بازا قۇرىلىپ, جۇمىس ىستەپ تۇر. تاعى ءبىر قۇپتارلىعى قازاقستاندىق زاۋىتتارمەن ينەرتتى ماتەريالدار, تەمىربەتون شپالدار جانە باسقا دا بۇيىمداردى جەتكىزىپ الۋ بويىنشا كەلىسىمشارتتار جاسالىپتى.
وسى كۇندە مويىنتى-بالقاش تەلىمىندە جۇمىستار جۇرگىزىلىپ جاتىر. كوكدامباق-سارىقۇم ارالىعىنا جەر توسەمى توسەلگەن. 80 شاقىرىم بولاتىن بەكىتكىشتەرى بار شپالدار جەتكىزىلىپ, 62 شاقىرىمدىق رەلستى شپال تورلارى توسەۋگە دايىن.
قۇرىلىس الاڭىندا 125 بىرلىك ارنايى تەحنيكا جانە 200-گە جۋىق قىزمەتكەر جۇمىس ىستەيدى. جەر توسەمىن سالۋ جانە رەلس-شپال تورىن توسەۋ ءۇشىن قوسىمشا 6 توسەۋ پويىزىن جانە 8 حوپپەر-مولشەرلەگىشىن تارتۋ جوسپارلانعان.
