ۇكىمەت وتىرىسىندا پرەمەر-مينيستر ءاليحان سمايىلوۆ ەكولوگيا ءمينيسترى زۋلفيا سۇلەيمەنوۆاعا شاردارا مەن كوكساراي سۋ قويمالارىنداعى جاعدايعا قاتىستى سۇراق قويدى. مينيستر جاعداي باقىلاۋعا الىنعانىن ايتتى.
«قازىرگى تاڭدا جينالعان سۋ كولەمى 5,1 ميلليارد م2 قۇرايدى. بىراق ايتا كەتەتىن جايت, ءبىز بىلتىرعى جىلى رەكونسترۋكتسياسىن وتكىزگەن ەدىك. شاردارادا قالىپتاسقان جاعداي ءبىزدىڭ باقىلاۋىمىزدا. ەگەر جاعداي وزگەرەتىن بولسا, ءبىز ءتيىستى شارالاردى قابىلدايمىز. كوكسارايدا كوپ سۋ جيناقتاپ جۇرگەن جوقپىز. سونىمەن قاتار سىرداريانىڭ تومەنگى اعىسىنا سۋدى وتكىزۋدى جوعارىلاتۋ بويىنشا جۇمىستار اتقارىلىپ جاتىر. وسى ماسەلە شەشىلگەن جاعدايدا ارال تەڭىزىنە قاراي سۋدىڭ وتكىزىلۋىن جوعارىلاتامىز. بىراق تاعى دا ايتا كەتەتىن جايت سوڭعى اقپارتقا سايكەس, سۋدىڭ اعىنى ءبىرشاما تومەندەگەن. ياعني بۇل شارداراعا كەلىپ جاتقان سۋدىڭ كولەمىن ەداۋىر تومەندەتەتىن بولادى», دەدى زۋلفيا سۇلەيمەنوۆا.
بۇل رەتتە پرەمەر-مينيستر سۋ قويمالارىنداعى جاعدايعا كۇندەلىكتى مونيتورينگ جاساپ وتىرۋ قاجەتتىلىگىن اتاپ ءوتتى.
