مەرەكە قارساڭىنداعى قايىرىمدىلىق

كەشە ەلورداداعى ورتالىق كوممۋنيكاتسيالار قىزمەتىندە قىر­عىزستان-استانا» ەتنومادەني بىرلەستىگىنىڭ توراعاسى شاۆكات يسمايلوۆتىڭ, «ستوماتولوگيا وقۋ-كونسۋلتاتسيا ورتالىعى» جشس ديرەكتورى اسلان جانگەرەەۆتىڭ, «عىلىمي-وندىرىستىك ترانسفۋزيولوگيا ورتالىعى» ديرەكتورىنىڭ مەديتسينالىق جۇ­مىستار جونىندەگى ورىنباسارى شايجامال مۇسابەكوۆانىڭ, سون­داي-اق, مەنەدجمەنت جانە بيزنەس كوللەدجى ديرەكتورىنىڭ ورىن­باسارى راۋشان بەكتۇرسىنوۆانىڭ قاتىسۋىمەن بريفينگ ءوتتى. بريفينگ بارىسىندا استانا كۇنىن مەرەكەلەۋ اياسىنداعى الەۋمەتتىك جوبالار مەن قايىرىم­دىلىق اكتسيا­لارى تانىستىرىلدى. مىسالى, شاۆكات يسمايلوۆتىڭ مالىمدەۋىنشە, مامىر ايىنىڭ 24-ىندە ەلورداداعى ءشامشى قالداياقوۆ اتىنداعى كوشەنىڭ ساياباعىندا قالالىق اكىمدىكتىڭ كومەگىمەن 150 شاقتى ادام اعاش كوشەتتەرىن وتىرعىزعان. «ءبىز استانا قالاسىنىڭ ارداگەرلەر كەڭەسى, قازاقستان رەس­پۋب­ليكاسىنىڭ  كاسىپوداقتار فەدەراتسياسى جانە «جاسىل ەل» جاس­تار قوزعالىسىمەن بىرلەسە وتى­رىپ مامىر ايىندا «دوستىق اللەياسىن»  قۇرۋ تۋرالى ۇسىنىس جاسا­عان بولاتىنبىز. مامىردىڭ 24-ىندە بۇل باستامامىز ىسكە اسىپ, اعاشتار وتىرعىزىلدى. وسى اكتسيا ارقىلى ءبىز استاناعا تەك ماحاببات سەزىمىمىزدى كورسەتىپ قانا قويماي, جاستاردى وتانشىلدىققا باۋلۋدى كوزدەدىك», – دەدى ش.يسمايلوۆ. ءوز كەزەگىندە اسلان جانگەرەەۆ «اپپاق قارداي كۇلكى دەنساۋلىق كورسەتكىشى» اكتسياسىنىڭ ۇيىم­داستىرىلعانىن جەتكىزدى. ونىڭ ايتۋىنشا, ەڭبەك جانە حالىقتى الەۋ­مەتتىك قورعاۋ مينيسترلىگىمەن ءبىر­لەسە وتىرىپ, بۇل اكتسيادا 200-گە جۋىق وتباسىنا, جالپىلاي العان­دا, 551 ادامعا تەگىن قىزمەت كو­ر­­سە­تىلگەن. سونىمەن قاتار, اسلان ءتو­لەۋ­شە ۇلى اتالمىش اكتسيادان ءوزى باسقاراتىن ورتالىق جىل بويى از قامتىلعان جانە كوپبالالى وتباسىلارداعى 18 جاسقا دەيىنگى با­لا­لار مەن ەكى قابات ايەلدەرگە تەگىن قىزمەت كورسەتەتىندىگىن ايتىپ ءوتتى. جيىن بارىسىندا شايجامال مۇسا­بەكوۆا «سەنىڭ ءبىر تامشى قا­نىڭ بىرەۋدى اجالدان اراشالاي­دى!» اكتسياسى تۋرالى ايتىپ بەر­دى. «استانا كۇنىن مەرەكەلەۋگە ار­نالعان اكتسيالار شەڭبەرىندە ءوت­­كىزىلگەن اكتسيادا 310 ادام اقى­سىز قان تاپسىردى. وسى نەگىزدە ءبىز دايىنداعان 120 ليتر قان 75 ازا­­ماتقا كومەكتەسە الادى. بۇل نا­­عىز ىزگىلىكتىڭ كورىنىسى», –دەدى ش.مۇسابەكوۆا. سونداي-اق, ش.مۇسابەكوۆانىڭ ايتۋىنشا, اكتسيا حالىقتىڭ نازارىن دونور بولۋ قاجەتتىلىگىنە اۋدارۋ ءۇشىن ۇيىمداستىرىلعان. «بىرىنشىدەن, دونورلىق – بۇل سالاماتتى ءومىر سالتى. تەك دەنى ساۋ ادام عانا دونور بولا الاتىندىقتان, ءبىز ولارعا بارىنشا قاتاڭ تالاپتار قويامىز. ءبىز جىل سايىن شامامەن 35-36 مىڭ ليتر قان دايىندايمىز. ال قان تاپسىرۋ ءۇشىن ەلىمىزدىڭ 40-45 مىڭنان استام ازاماتتارى كەلەدى. بۇگىنگى تاڭدا بىزدە دونورلىقتىڭ ءۇش ءتۇرى بار: تەگىن, تۋىسقاندىق ءجا­نە كادر­لىق. سوڭعىسى بويىنشا تۇ­راق­تى تۇردە قان تاپسىراتىن ادام­دار­­دىڭ ارنايى توبى جا­ساق­تال­عان. ال تەگىن دونورلىق 50 پايىز­دى قۇ­رايدى. قازىرگى كەزدە دامى­عان ەلدەر تەگىن دونورلىققا كوشىپ وتىر. ءبىز دە دونورلىقتىڭ وسى ءتۇرىن قول­عا الۋىمىز كەرەك», – دەدى ش.مۇسابەكوۆا. استانالىق ستۋدەنتتەردىڭ قالا كۇ­­نi­­نە وراي قارتتار مەن مۇگە­دەك­تەر ءۇيiن­دە قايىرىمدىلىق اك­تسيا­سىن ءوت­­كiزiپ, تەگiن شاش الۋ قىزمەتiن ۇسىن­­­­عانىن  راۋشان بەكتۇرسىنوۆا بايان­دادى. ونىڭ ايتۋىنشا, مۇنداي شارا ال­داعى ۋاقىتتا از قامتىل­عان تۇر­عىن­­­د­ار ءۇشiن دە ۇيىم­داس­تىرىلۋى مۇمكiن. ايگۇل سەيىلوۆا, «ەگەمەن قازاقستان».