ەل پرەزيدەنتى جولداعان حاتتا: «قۇرمەتتى اقجايىق! سەنىڭ جەتىستىكتەرىڭە ريزا بولدىم. ەلىمىزدىڭ بولاشاعى ءوزىڭ سياقتى بەلسەندى ءارى تالاپتى جاستاردىڭ قولىندا ەكەنى انىق. مەملەكەت وسكەلەڭ ۇرپاقتىڭ ءبىلىم الۋىنا بارلىق جاعداي جاساپ كەلەدى. وسى مۇمكىندىكتى ءتيىمدى پايدالانىپ, كوپ وقىپ, تىنباي ىزدەنۋ وتە ماڭىزدى. وقۋدى جاقسى ءبىتىرىپ, مىقتى مامان بولۋىڭا جانە ەل يگىلىگىنە قىزمەت ەتۋىڭە تىلەكتەسپىن!», دەپ جازىلعان.
اقوردادان كەلگەن پرەزيدەنتتىڭ حاتى مەن سىيلىعىن ستۋدەنتكە قىزىلوردا وبلىسى اكىمىنىڭ ورىنباسارى نۇرىمبەت ساقتاعانوۆ تاپسىردى.
ايتا كەتەيىك, ستۋدەنت اقجايىق ءتاجى پرەزيدەنتتىڭ جاستارعا كورسەتىلىپ وتىرعان قولداۋى ءۇشىن العىس ايتىپ, حات جازعان. مەملەكەت باسشىسىنىڭ قولداۋىمەن جۇزەگە اسىپ جاتقان جوبالار ناتيجەسىندە اقجايىق ءتاجى حالىقارالىق, رەسپۋبليكالىق دەڭگەيدەگى جەتىستىكتەرگە قول جەتكىزگەن.
