ىشكى ىستەر مينيسترلىگىنىڭ مالىمەتىنشە, «ميگرانت» جەدەل-پروفيلاكتيكالىق ءىس-شاراسى بارىسىندا ورال ستانساسىندا جەلىلىك پوليتسيا ءبولىمىنىڭ قىزمەتكەرلەرى قازاقستان رەسپۋبليكاسىنىڭ ازاماتتىق زاڭناماسىن بۇزعان شۆەتسيا ازاماتىن ۇستادى.
«كولىك پوليتسەيلەرى قازاقستان رەسپۋبليكاسى مەن شۆەتسيانىڭ قوس ازاماتتىعى بار 57 جاستاعى ايەلدى قر اقبتك-ءنىڭ 496-بابىنىڭ 2-بولىگى (قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزۋ) بويىنشا اكىمشىلىك جاۋاپكەرشىلىككە تارتتى. ورال قالاسىنىڭ مامانداندىرىلعان اكىمشىلىك سوتىنىڭ شەشىمى بويىنشا شۆەتسيا ازاماتشاسى 200 اەك (690 مىڭ تەڭگە) سوماسىنا اكىمشىلىك ايىپپۇل تۇرىندە جاۋاپقا تارتىلدى», دەلىنگەن ۆەدومستۆونىڭ ءباسپاسوز قىزمەتى تاراتقان رەسمي حابارلامادا.
