وقۋ-اعارتۋ ءمينيسترى عاني بەيسەمباەۆ ۇجىمعا «دارىن» رەسپۋبليكالىق عىلىمي-پراكتيكالىق ورتالىعىنىڭ جاڭا باسشىسىن تانىستىردى.
عاجدەمبەك تۇرسىنوۆ پاۆلودار وبلىسىنىڭ تۋماسى. ۆ.ۆوروۆسكي اتىنداعى پاۆلودار پەداگوگيكالىق كوللەدجى, «قاينار» جانە يننوۆاتسيالىق ەۋرازيا ۋنيۆەرسيتتەرىنىڭ تۇلەگى. ەڭبەك جولىن 1995 جىلى قازاق ءتىلى مەن ادەبيەتى ءپانىنىڭ مۇعالىمى بولىپ باستاعان.
ءار جىلدارى ەرتىس قازاق ورتا مەكتەبى ديرەكتورىنىڭ ورىنباسارى, دارىندى بالالارعا ارنالعان «جاس دارىن» مامانداندىرىلعان مەكتەپ ديرەكتورىنىڭ ورىنباسارى, پاۆلودار وبلىسى ءبىلىم باسقارماسىنىڭ باس مامانى, «ەرتىس دارىنى» وبلىستىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ مەڭگەرۋشىسى قىزمەتتەرىن اتقاردى. 2019 جىلدان باستاپ «دارىن» رعپو ديرەكتورىنىڭ ورىنباسارى, 2020 جىلدان 2023 جىلعا دەيىن «استانا دارىنى» ورتالىعىنىڭ ديرەكتورى قىزمەتىن اتقارعان.
