فوتو: shutterstock.com
بۇل 2021 جىلدىڭ سايكەس كەزەڭىمەن سالىستىرعاندا 2,7%-عا ارتىق. وسى رەتتە ايتا كەتۋ كەرەك, قازاقستاننان شەتەلگە اۋدارىلاتىن قارجىنىڭ جىلدىق كولەمى ەكىنشى جىل قاتارىنان 1 ترلن تەڭگەدەن اسىپ وتىر. بۇل رەتتە ترانزاكتسيالار سانى 2,6 ملن-نان 2,5 ملن-عا دەيىن ازايدى. ياعني شەتەلگە ءبىر اۋدارىم بويىنشا ورتاشا تۇبىرتەكتەگى سان 2021 جىلى 391,5 مىڭ تەڭگەگە تەڭ بولسا, 2022 جىلى 415,3 مىڭ تەڭگەگە كوبەيگەن.
قازاقستاننان اۋدارىلعان بارلىق اۋدارىمداردىڭ جارتىسىنان كوبى وزبەكستان مەن تۇركياعا جىبەرىلگەن. وزبەكستانعا 289,8 ملرد تەڭگە (2021 جىلعى قاڭتار–جەلتوقسانعا قاراعاندا 2,9%-عا از), تۇركياعا 271,9 ملرد تەڭگە (2021 جىلعا قاراعاندا 28,9%-عا كوپ) جونەلتىلدى. رەسەيگە دە قوماقتى قارجى جىبەرىلگەن: 196 ملرد تەڭگە, بۇل 2021 جىلمەن سالىستىرعاندا 10,6%-عا كوپ.
قازاقستاننان جونەلتىلگەن اقشا كولەمى بويىنشا العاشقى 5 ەلدىڭ قاتارىنا قىرعىزستان (73,9 ملرد تەڭگە) جانە گرۋزيا (70,9 ملرد تەڭگە) كىردى, ال بىلتىرعىمەن سالىستىرعاندا قىرعىزستانعا اۋدارىم كولەمى ەكى ەسەگە جۋىق ازايسا, گرۋزياعا كەرىسىنشە 2,2 ەسە وسكەن.
