كوكشەتاۋداعى دوستىق كورمەسى

“گەرمانيانىڭ قازاق­ستان­داعى جىلى – 2010” دوستىق شاراسى اياسىندا گەرمانيا فەدەراتيۆتىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى راينەر ويگەن شلاگەتەر باستاعان دەلەگاتسيا كوكشەتاۋ قالاسىندا بولىپ, اقمولا وبلىسىنىڭ اكىمى سەرگەي دياچەنكومەن كەزدەستى. كەزدەسۋ بارىسىندا ەكى مەملەكەت ارا­سىنداعى ەكونوميكالىق, ءما­دەني, دوستىق بايلانىستاردى نى­عايتۋ, اقمولا وڭىرىندە بىرلەسكەن كاسىپورىندار جۇيەسىن كەڭەيتۋ ماسەلەلەرى تالقىلاندى. بۇگىنگى تاڭدا وبلىستا 30 مىڭ­نان استام نەمىس ۇلتىنىڭ وكىلدەرى بەيبىت قاتار تىرشىلىك قۇ­رىپ, قازاقستاننىڭ ءوسىپ-ءور­كەندەۋىنە سۇبەلى ۇلەس قوسۋدا. وڭىردە 18 بىرلەسكەن كاسىپورىن جۇمىس ءىس­تەيدى. ونەركاسىپ پەن اۋىل شا­رۋا­شىلىعى سالاسىندا گەرمانيانىڭ وزىق تەحنولوگياسى, زامانالىق ما­شي­نالارى مەن جابدىقتارى ءتيىم­دى­لىكپەن پاي­دالانىلۋدا. ءوزارا ين­ۆەس­تي­تسيالىق ساياساتتىڭ ءورىسى دە كە­ڭەيە تۇسۋدە. ەلشى مەن اكىم وبلىستا تۋريستىك يندۋستريانى دامىتۋدىڭ قولايلى مۇمكىن­دىكتەرى بارلىعىن اتاپ كورسەتتى. قازىردىڭ وزىندە قايتارىمى مول جوبالار ساراپقا سالىنىپ جاتقانى ءمالىم بولدى. دوستىق جىلى اياسىندا “كوك­شەتاۋ” مادەنيەت سارايىندا “زاما­نالىق گەرمانيا” فوتوسۋرەت كورمەسى اشىلدى. سالتاناتتى راسىمدە ەلشى راينەر شلاگەتەر مەن اقمولا وبلىسى اكىمىنىڭ ورىنباسارى اسحات قايناربەكوۆ جۇرتشىلىقتى قىزۋ قۇتتىقتادى. ايشىقتى ون ءتورت ستەندتەن تۇراتىن كوشپەلى كورمە بۇگىنگى گەرمانيانىڭ قۋاتتى قادامدارىن كوز الدىمىزعا ەلەستەتەدى. ونىڭ ەكسپوناتتارىمەن تانىسۋ بارى­سىن­دا يۋنەسكو تىزىمىندەگى 32 ءساۋ­لەت ەسكەرتكىشى تۋرالى, جىلىنا 100 ميلليون ادامعا تانىم ەسىگىن اشاتىن 6000 مۇراجاي, سونداي-اق, جىلىنا 4 ميلليون كورەر­مەن­دى ءتانتى ەتەتىن 140 سيم­فو­نيا­لىق وركەستر جايلى قۇندى دە­رەكتەرگە قانىعاسىز. بەلگىلى نەمىس فوتوسۋرەتشىسى تورستەن ەلگەردىڭ وزىندىك مانەردەگى تۋىندىلارىمەن تولىق­تى­رىل­عان كورمە بۇعان دەيىن استانا, قاراعاندى, سەمەي, پەتروپاۆل, وسكەمەن قالالارى تۇرعىندارىن جىلى اسەرگە بولەگەن ەدى. كوك­شەتاۋداعى كورمە جيىرما كۇن جۇمىس ىستەيدى. جالپى, جىل اياسىندا كورمە قازاقستانداعى ءىرى 12 قالانىڭ مادەني ومىرىنە جاڭا ەكپىن قوساتىن بولادى. اسىرەسە, پاۆلوداردا وتەتىن “ەۋ­روپا كۇنى” مەرەكەسىنە قىزۋ دا­يىندىق ءجۇرىپ جاتقان كورىنەدى. توتەنشە جانە وكىلەتتى ەلشى راينەر شلاگەتەر مەن ەلشى­لىكتىڭ زاڭگەر-رەفەرانداريى سەباستيان پريتتسكوۆ بۇقارالىق اقپارات قۇرالدارى وكىلدەرىمەن ءباسپاسوز ءماسليحاتىن وتكىزدى. باقبەرگەن امالبەك. اقمولا وبلىسى.