«جولاۋشىنىڭ جولدى قوڭىرى» - ەكى تاراۋلى كۇي. سۇگىردىڭ ماقپۋزا قىزبەن تارتىس ۇستىندە شىعارعان كۇيى. سۇگىر ءوزى شەرتكەندە «جىگىتتىڭ تارتقانى», «قىزدىڭ تارتقانى» دەپ جىكتەپ وتىرعان ەكەن.
ماقپۋزا كۇيشى مەن سۇگىر ءسوز بايلاسقان ادامدار ەمەس. ولار ەسكى داستۇرمەن اتاستىرىلعان. بۇل تۋرالى اقسەلەۋ سەيدىمبەك «قازاقتىڭ كۇي ونەرى» مونوگرافياسىندا: «ەل اۋزىندا سۇگىر مەن ماقپۋزانى عاشىق ەتىپ قوياتىنى, سودان ۋادە بايلاسقان قوس عاشىقتىڭ ارماندارىنا جەتە الماي قالاتىنى سول اۋىزدان-اۋىزعا كوشكەن اڭگىمەنىڭ تۇرلەنىپ-قۇبىلۋىنىڭ جەمىسى. اقيقاتىندا ماقپۋزا قىز نايمان ىشىندەگى باعانالىلاردىڭ ءتورت بوساعاسىنىڭ ءبىرى اتالعان بابىردىڭ ءوسىپ-ونگەن بالالارىنىڭ بىرىنە اتاستىرىلىپ, ءوزىنىڭ ەرىك-ىنتاسىمەن ۇزاتىلعان. ماقپۋزادان وربىگەن ۇرپاق ۇلىتاۋ توڭىرەگىندە ونداپ سانالادى», دەپ جازعان.
