Travelscapes – ۇكىمەتتىك مەكەمەلەر, ءبىرىنشى دارەجەلى قوناقۇيلەر, تۋريزم يندۋسترياسى, ەلشىلىكتەر جانە كورپوراتيۆتىك سەكتورلار اراسىندا تانىمال جەرگىلىكتى b2b باسىلىمى. ماراپاتتاۋ راسىمىنە مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسپەكوۆ قاتىستى.
ء«ۇندىستان ازاماتتارى ءۇشىن 14 كۇندىك ۆيزاسىز رەجىم ەنگىزىلگەننەن كەيىن قازاقستانعا كەلەتىن ۇندىستاندىق ساياحاتشىلاردىڭ سانىنىڭ ايتارلىقتاي وسكەنى بايقالادى. سونداي-اق ءبىز ميلليارد تۇرعىنى بار ەل ءۇشىن تانىمال تۋريستىك باعىت رەتىندە تانىلعانىمىزدى ماقتان تۇتامىز. بۇل جەتىستىك – قازاقستانداعى قالالىق, ەكولوگيالىق, قىزىقتى وقيعالى, مادەني جانە MICE تۋريزم باعىتى رەتىندە ىلگەرىلەتۋدە بىرلەسكەن كۇش-جىگەردىڭ ناتيجەسى», دەپ اتاپ ءوتتى د.رىسپەكوۆ.
ايتا كەتەيىك, وتكەن جىلى ەلىمىزگە 28 300 ءۇندىستان ازاماتى كەلگەن. بۇگىنگى تاڭدا Eqonaq اقپاراتتىق جۇيەسىنىڭ دەرەكتەرى بويىنشا, قازاقستاننىڭ قوناقۇيلەرىنە ءۇندىستاننان كەلگەن 2 مىڭنان اسا قوناق توقتاعان. ءۇندىستان ازاماتتارى ەلىمىزدىڭ الماتى, استانا جانە شىمكەنت سياقتى ءىرى قالالارىندا دەمالعاندى ءجون كورەدى ەكەن.
سونداي-اق قازاقستان بيىل دەليدە ۇيىمداستىرىلعان وڭتۇستىك ازياداعى ەڭ ءىرى ساياحات جانە تۋريزم كورمەسى SATTE-گە قاتىسقان ەدى. قازاقستان دەلەگاتسياسى قۇرامىندا مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ, Kazakh Tourism, ءتورت وتاندىق تۋروپەراتور جانە اۋە كومپانيالارىنىڭ وكىلدەرى بولدى.
