ناۋقاننىڭ العاشقى كۇندەرىنىڭ وزىندە ەلىمىزدىڭ بارلىق وڭىرىندە 300 مىڭ سايلاۋشىنى قامتىعان 3 مىڭنان استام ءىس-شارا وتكەن. بۇل تۋرالى پارتيانىڭ اتقارۋشى حاتشىسى ەلنۇر بەيسەنباەۆ باق وكىلدەرىمەن بولعان كەزدەسۋدە ايتتى. ول جۋرناليستەردى سايلاۋالدى شتابتىڭ جۇمىسىمەن تانىستىردى. اتاپ ايتساق, كانديداتتاردىڭ ۇگىت-ناسيحات جانە ۇيلەستىرۋ ورتالىقتارىنىڭ, قوعامدىق قابىلداۋ بولمەسىنىڭ, مەديا-شتابتىڭ, كوۆوركينگ الاڭىنىڭ, سونداي-اق شتابتاعى جاستار سەكتورىنىڭ اتقارىپ جاتقان جۇمىستارىن كورسەتتى.
– پارتيانىڭ سايلاۋالدى شتابى «open space» قاعيداتى بويىنشا ۇيىمداستىرىلعان جانە اپتانىڭ بارلىق كۇنىندە تاۋلىك بويى جۇمىس ىستەيدى. شتاب – بۇل كوپفۋنكتسيالى سايلاۋ ناۋقانىن باسقارۋ ورتالىعى. ءار ءبولىم بىرلەسىپ جانە جەدەل تۇردە بەلگىلى ءبىر شەشىمدەر قابىلدايدى. مۇندا كانديداتتار مەن سەنىمدى وكىلدەردىڭ قاتىسۋىمەن ءتۇرلى ءىس-شارا, ارنايى وقىتۋلار وتكىزىلەدى. ءدال وسىنداي فرونت-كەڭسەلەر بارلىق ايماقتا بار, – دەدى ەلنۇر بەيسەنباەۆ.
ايتا كەتەيىك, شتاب قۇرامىنا پارتيانىڭ 486 بەلسەندى جاقتاسى كىردى. سايلاۋشىلارمەن كەزدەسۋ كەستەسى دايىندالدى. سونداي-اق بۇل جۇمىسقا ۇمىتكەرلەردىڭ 27 مىڭنان استام سەنىمدى وكىلى دە تارتىلعان.
وڭىرلەر دەمەكشى, پارتيانىڭ ۇگىت ناسيحات توبى ەلورداداعى اقمولا ۆاگون جوندەۋ زاۋىتىنىڭ ۇجىمىمەن كەزدەستى. مۇندا اماناتتىقتار ءىرى بيزنەس نىساندارىن قولداۋ شارالارىن تالقىلادى. ماسەلەن, ءماجىلىس دەپۋتاتتىعىنا ۇمىتكەر داۋلەت تۇرلىحانوۆ زاۋىت جۇمىسشىلارىمەن جۇزدەسۋ كەزىندە بيزنەسكە قولايلى ورتا قالىپتاستىرۋ ماسەلەسىن كوتەردى. ء«بىز جەكە باستاما مەن نارىقتىق ەكونوميكا كۇشىنە نىق سەنەمىز. الداعى ۋاقىتتا وتانداستارىمىز «قازاقستاندا جاسالعان» تاڭباسى بار تاۋارلاردىڭ جوعارى ساپاسىمەن ماقتاناتىن بولادى», دەدى داۋلەت تۇرلىحانوۆ.
زاۋىتتا 400-گە جۋىق ادام ەڭبەك ەتەدى. ولار جىلىنا 3 مىڭعا تارتا ۆاگون جوندەيدى. الداعى جوسپار – يننوۆاتسيالىق تەحنولوگيانى قولدانا وتىرىپ, ساپالى قىزمەت كورسەتۋ.
