ەلورداداعى بايراقتى دوداعا الەمدىك رەيتينگتە توپ-300 تەننيسشىنىڭ قاتارىنا ەنەتىن سپورتشىلار قاتىسادى دەپ جوسپارلانعان. ولاردىڭ اراسىندا 1ITF Circuit1 ساناتىنداعى جەتى جارىستىڭ جەڭىمپازى جاپونيالىق مويۋكا ۋچيجيما (120 WTA), جۇپتىق سىندا «ۇلكەن دۋلىعا» تۋرنيرلەرىنىڭ توعىز دۇركىن جەڭىمپازى فرانتسيالىق كريستينا ملادەنوۆيچ (150 WTA), رەسەيلىك جاس تەننيسشى اناستاسيا زاحاروۆا (166 WTA), رۋمىنيالىق يرينا-ماريا بارا (197 WTA), سەربيالىق ناتاليا ستەفانوۆيچ (221 WTA) جانە تاعى باسقا تەننيسشىلەر بار.
ال ءوز جەرىمىزدە وتەتىن اتالعان جارىستا ەل نامىسىن جۇپتىق سىنداعى قازاقستاننىڭ ءبىرىنشى راكەتكاسى اننا دانيلينا, الەمدىك رەيتينگتە 483-ورىندا تۇرعان جىبەك قۇلامباەۆا, بىرنەشە ءتۋرنيردىڭ جەڭىمپازى گوزال اينيتدينوۆا (509) مەن ارۋجان ساعىندىقوۆا (1182), دانا بايداۋلەت پەن جانەل رۇستەموۆا قورعايدى.
ايتا كەتەيىك, ايەلدەر اراسىنداعى «ITF World Tennis Tour» اياسىنا التى ساناتتاعى جۇلدە قورى – 15 000, 25 000, 40 000,
60 000, 80 000 جانە 100 000 اقش دوللارىنا تەڭ جارىستار كىرەدى. ەلورداداعى دودالار «ITF World Tennis Tour» تۋرنيرلەرىنىڭ ءۇشىنشى جانە ءتورتىنشى ساناتىنا جاتادى.
قازاقستاننىڭ تەننيس جان- كۇيەرلەرى اتالعان ءتۋرنيردى «Qazsport» جانە «Insport-تىڭ» «Bee TV» سپورتتىق بولىمىنەن تىكەلەي ەفيردە تاماشالاي الادى.
