كوشى-قون قىزمەتىنىڭ قىزمەتكەرلەرى قاراعاندى-سورتيروۆوچنايا ستانتسياسىندا 26, 45 جانە 51 جاستاعى ءۇش ايەلدى ۇستادى. تەكسەرۋ بارىسىندا ۇستالعانداردىڭ قازاقستان رەسپۋبليكاسى مەن رەسەي فەدەراتسياسىنىڭ قوس ازاماتتىعى بارى انىقتالدى.
«قاراعاندى قالاسىنىڭ قازىبەك بي اتىنداعى اۋداندىق سوتىنىڭ قاۋلىسىمەن رەسەي ازاماتتارىنىڭ ارقايسىسى 428 820 تەڭگە كولەمىندە اكىمشىلىك ايىپپۇل تۇرىندەگى جاۋاپكەرشىلىككە تارتىلدى», دەدى كولىك پوليتسيا باسقارماسىنىڭ ءبىرىنشى ورىنباسارى ماديار ايتۋعانوۆ.
كولىك پوليتسياسىنىڭ قىزمەتكەرلەرى قۇقىق بۇزۋشىلارعا قاتىستى قر اقبتك-ءنىڭ 496-بابىنىڭ 2-بولىگىمەن «شەتەل ازاماتتىعىن الۋ فاكتىسى تۋرالى زاڭنامادا بەلگىلەنگەن مەرزىمدە حابارلاماۋ» بويىنشا اكىمشىلىك حاتتاما تولتىردى.
ايتا كەتەيىك, قازاقستان قوس ازاماتتىقتى مويىندامايدى.
