وبلىستىق تجد مالىمەتىنشە, مەكتەپتە ءورت بولىپ جاتقانى تۋرالى حابارلاما تاڭعى ساعات 7:59-دا كەلىپ تۇسكەن. ءورت سوندىرۋشىلەر مەن قۇتقارۋشىلار وقيعا ورنىنا ءتورت مينۋتتا جەتكەن.
«كەلگەن كەزدە مەكتەپ ديرەكتورى ورىنباسارىنىڭ كابينەتى اشىق جالىنمەن جانىپ جاتتى. ورتەنگەن اۋماقتىڭ اۋدانى 21 شارشى مەتر. ءورت ساعات 8:11-دە اۋىزدىقتالىپ, 8:12-دە تولىق ءسوندىرىلدى», دەدى وبلىستىق تجد باسشىسى مارعۇلان امانباەۆ.
مەكتەپ ديرەكتورىنىڭ ايتۋىنشا, وقۋشىلار ءورت سوندىرۋشىلەر كەلگەنشە قاۋىپسىز جەرگە شىعارىلعان. ورتتەن زارداپ شەككەندەر جوق. الايدا مەكتەپتە وقۋ پروتسەسى ۋاقىتشا توقتاتىلعان.
ء«ورت تاڭەرتەڭ ءبىرىنشى اۋىسىمنىڭ ساباعى باستالاتىن ۋاقىتتان بۇرىن, مەكتەپ ديرەكتورىنىڭ شارۋاشىلىق ءىسى جونىندەگى ورىنباسارىنىڭ كابينەتىنەن شىقتى. كومپيۋتەر قوسۋلى كۇيىندە قالعاندىقتان بولۋى مۇمكىن. اتا-انالارعا حابارلاپ, بالالاردى ۇيگە قايتاردىق. بالانىڭ باسى اۋىرىپ جاتسا, دارىگەرگە اپارۋ تۋرالى كەڭەس بەردىك», دەدى مەكتەپ ديرەكتورى ءاليا قاسىموۆا.
تجد مالىمەتىنشە, مەكتەپتەن 950 ادام ەۆاكۋاتسيالانعان. ونىڭ ىشىندە 60 مۇعالىم بار. ءورت سوندىرۋگە 53 ءورت ءسوندىرۋشى مەن 14 تەحنيكا جۇمىلدىرىلعان. الدىن-الا بولجام بويىنشا, ءورت ەلەكتر سىمىنىڭ قىسقا تۇيىقتالۋىنان شىعۋى مۇمكىن.
