سوڭعى رەت 2022 جىلدىڭ قازان ايىندا جەڭىسكە جەتكەن ا.بۋبليك ودان كەيىنگى بارلىق جارىسىندا ۇتىلىپ, جانارىمەن جەر شۇقىپ قالعان ەدى. ەندى, مىنە, بازەلدەگى تۋرنيردە باستالعان ساتسىزدىك فرانتسيانىڭ مارسەل قالاسىنداعى ATP 250 جارىسىندا اياقتالدى. جەرلەسىمىز حالىقارالىق ءتۋرنيردىڭ العاشقى اينالىمىندا سەربيالىق فيليپ كراينوۆيچپەن (67-راكەتكا) شەبەرلىك بايقاسىپ, ءۇش سەتتە 5:7, 6:3, 6:4 ەسەبىمەن جەڭىسكە جەتتى.
سونداي-اق دۋبايداعى WTA 1000 تۋرنيرىنە قاتىسىپ جاتقان ايەلدەر اراسىنداعى قوس تەننيسشىمىز دە جارىستى جەڭىسپەن باستادى. الەمنىڭ 46-راكەتكاسى يۋليا پۋتينتسەۆا باستاپقى كەزدەسۋىندە رەيتينگتە 28-ورىندا تۇرعان حورۆاتيالىق پەترا ءمارتيچتى ءۇش سەتتە 6:4, 0:6, 6:2 ەسەبىمەن ۇتسا, ەلەنا رىباكينا العاشقى اينالىمدا 2019 جىلعى US Open ءتۋرنيرىنىڭ جەڭىمپازى, كانادالىق بيانكا اندرەەسكۋدى ەكى سەتتە قاپى قالدىردى – 6:3, 6:4.
