وتكەن تۋردا عانا بەيجىڭنىڭ «كۋنلۋن رەد ستار» كومانداسىن وۆەرتايمدا تىزە بۇكتىرىپ, جانكۇيەرلەردىڭ قوشەمەتىنە بولەنگەن «بارىس» ويىنشىلارى بۇل جولى «اۆانگاردتىڭ» وسال تۇسىن تابا المادى. ومبىداعى 12 مىڭ جانكۇيەرگە ارنالعان «G-Drive ارەنا» سپورت كەشەنىندە وتكەن باسەكەدە ايدىن يەلەرى 4:3 ەسەبىمەن جەڭىسكە جەتتى.
كەزدەسۋدىڭ ەسەبىن «اۆانگارد» ساپىنان 3-مينۋتتا الەكسەي بەرەگلازوۆ اشسا, ەكىنشى كەزەڭدە يۆان تەلەگين (32-مينۋت) مەن ارسەني گريتسيۋك (39) مۇزايدىنعا جينالعان جانكۇيەرلەردى ءبىر جەلپىنتىپ تاستادى. ال ءۇشىنشى 20 مينۋتتىقتا الەكس برودحيورست (44) ايدىن يەلەرىنىڭ ءتورتىنشى شايباسىن سوعىپ, ويىننىڭ نۇكتەسىن قويدى. جەرلەستەرىمىزدەن انتون ساگادەەۆ دۋبل اۆتورى اتانسا, ماتچ اياقتالار تۇستا كيريلل ساۆيتسكي دالدىك تانىتتى.
جەرلەستەرىمىز كەلەسى ويىنىن بۇگىن نوۆوسيبيردە جەرگىلىكتى «سيبير» كلۋبىمەن وتكىزەدى.
