ماسەلەن, اقمولا وبلىسى بويىنشا يۋجنايا كوشەسى ءسابيت مۇقانوۆ, بۋدەننىي كوشەسى باۋىرجان مومىش ۇلى, لەنين كوشەسى ابىلاي حان ەسىمدەرىمەن قايتا اتالدى.
مادەنيەت جانە سپورت مينيسترلىگىنە قاراستى مادەنيەت كوميتەتىنىڭ اقپاراتى بويىنشا وتكەن جىلى رەسپۋبليكالىق ونوماستيكا كوميسسياسى 606 ۇسىنىستى قاراعان.
«بۇدان بولەك, بىلتىر مەملەكەت باسشىسىنىڭ ەلىمىزدىڭ اكىمشىلىك-اۋماقتىق قۇرىلىمىن جەتىلدىرۋ بويىنشا بەرىلگەن تاپسىرماسىن ورىنداۋ ماقساتىندا جاڭادان قۇرىلعان ءۇش وبلىسقا اباي, جەتىسۋ, ۇلىتاۋ اتاۋلارى بەرىلدى. ال قاپشاعاي قالاسى – قوناەۆ قالاسى بولىپ قايتا اتالدى. ايتا كەتۋ كەرەك, وبلىس اتاۋلارى تەك مەملەكەتتىك تىلدە بەكىتىلدى. سونداي-اق احمەت بايتۇرسىن ۇلىنىڭ 150 جىلدىق مەرەيتويىنا وراي قوستاناي حالىقارالىق اۋەجايىنا ۇلت ۇستازىنىڭ ەسىمى بەرىلدى», دەدى مادەنيەت جانە سپورت مينيسترلىگىنە قاراستى ونوماستيكا باسقارماسىنىڭ باسشىسى ەلەركە تورەحان.
