بۇل كاسىپورىن 2003 جىلى اشىلىپ, ورتالىق ازياداعى قاعاز ونىمدەرى مەن گوفرلەنگەن كارتوننىڭ ءىرى ءوندىرۋشىسى سانالادى. مۇندا 800-دەن استام ادام ەڭبەك ەتىپ كەلەدى. كومپانيا جىلىنا 100 مىڭ توننا 50 ءتۇرلى ءونىم شىعارۋعا قاۋقارلى.
زاۋىت باسشىلىعى ەندىگى كەزەكتە وندىرىسكە قاجەتتى جابدىقتاردى الۋدى كوزدەپ وتىر. قاجەتتى قاراجاتتى الۋ ءۇشىن ونەركاسىپتى دامىتۋ قورىنا ليزينگكە ءوتىنىش بەرگەندەرىن جەتكىزدى.
ودان كەيىن مارات كارىمجان ۇلى «پك التىن تاعا» جشس-ءنىڭ قىزمەتىن باعامداپ كوردى. ءوندىرىس اۋماعىندا 29 بلوكتان تۇراتىن زاۋىتتىڭ قۇرىلىسى جۇرگىزىلىپ جاتىر. قازىر مۇندا 8 نىساندى سالۋ جۇمىستارى قارقىن العان. وسى ۋاقىتقا دەيىن اتالعان كومپانيا قۇرىلىسقا 40 ملرد تەڭگەدەن استام قاراجات جۇمساعان.
سونىمەن قاتار ۆەدومستۆو باسشىسى «الماتى تۇرمىستىق تەحنيكا» زاۋىتىنا دا بارعانىن ايتا كەتەيىك. بۇل كاسىپورىن نەگىزىنەن گاز جانە ەلەكتر پليتاسى سىندى تۇرمىسقا قاجەتتى تەحنيكانى شىعارۋدى جولعا قويعان. الداعى ۋاقىتتا تەلەۆيزور جانە كىر جۋاتىن ماشينانى دا ءوندىرۋدى قولعا الماق. قازىر زاۋىتتىڭ وندىرىستىك قۋاتى جىلىنا 50 مىڭ ءونىم تۇرلەرىن شىعارۋعا قابىلەتتى. كەلەر جىلى بۇل كورسەتكىشتى 100 مىڭعا جەتكىزۋ كوزدەلگەن.
